«تەلەراديو حابارلارىن تاراتۋ تۋرالى" زاڭعا سايكەس مەملەكەت جارتى جىل كولەمىندە ەفيرلىك سيفرلىق تەلەراديو حابار تاراتۋعا اۋىسۋدىڭ ۋاقىتىن بەلگىلەۋى قاجەت»، - دەپ مالىمدەدى ق ر اقپارات جانە كوممۋنيكاسيالار ءمينيسترى داۋرەن ابايەۆ ءوزىنىڭ Facebook-تەگى پاراقشاسىندا.

 «ءبىز ءقازىر ەفيردى سيفرلىق تەلەراديو حابار تاراتۋعا اۋىستىرۋ جۇمىستارىن جۇرگىزىپ جاتىرمىز. سيفرلىق تەليەۆيدەنيە - بۇل ۆيدەو بەلگى مەن دىبىس تاراتۋدىڭ جوعارعى ساپاسى، سونداق-اق ۆيزۋالدى كەدەرگىلەردى جويىپ، تۇنىق دىبىستى قامتاماسىز ەتەدى»، - دەيدى مينيستر.

2018 جىلدىڭ سوڭىندا قازاقستان رەسپۋبليكاسىنىڭ ءبىرقاتار وبلىستارىندا سيفرلىق تەلە- جانە راديو حابار تاراتىلۋىن كەزەڭ-كەزەڭىمەن ەنگىزۋ جۇمىستارى باستالادى. سيفرلىق تەليەۆيزيانى ەنگىزۋ جۇمىستارىنىڭ ءبىرىنشى كەزەگى بارىسىندا، اعىمداعى جىلدىڭ اياعىندا ماڭعىستاۋ (قازان)، جامبىل جانە وڭتۇستىك قازاقستان (جەلتوقسان) وبلىستارىن سيفرلىق تەليەۆيزيامەن تولىق قامتۋ جوسپرالانۋدا.

     مەملەكەتىمىزدىڭ باسقا ايماقتارىندا سيفرلىق ەفيرلىك تەليەۆيزيانى ەنگىزۋ جۇمىستارى 2020 جىلدىڭ سوڭىنا دەيىن كەزەڭ-كەزەڭىمەن جۇرگىزىلەدى. اتالعان جۇمىستار جوسپار بويىنشا 2021 جىلى اياقتالاتىن  انالوگتىق تەليەۆيزيا حابارىن تاراتۋدى ءوشىرۋ جۇمىستارىمەن قاتار جۇرگىزىلەتىن بولادى.

      سيفرلىق حابار تاراتۋدى ەنگىزۋ جانە دامىتۋ جوباسى «سيفرلىق قازاقستان» مەملەكەتتىك باعدارلاماسىن جۇزەگە اسىرۋ بويىنشا ءىس-شارالار جوسپارىنا ەنگىزىلگەن بولاتىن.

     جوبا بويىنشا 827 راديو جانە تەلەديدار ستانساسىن سالۋ جانە جاڭعىرتۋ جۇمىستارى جوسپارلانعان. قۇرىلىس جۇمىستارى 2012 جىلدان بەرى جۇرگىزىلۋدە جانە بۇگىنگى تاڭدا 356  ستانسا سالىندى. جىلدىڭ سوڭىنا دەيىن تاعى 292 ستانسا قۇرىلىسىن اياقتاۋ جوسپارلانۋدا، ول حالىقتىڭ 94% -ىن سيفرلىق  حابار تارالىمىمەن  قامتۋعا مۇمكىندىك بەرەدى. قالعان 179 ستانسانى 2019-2020 جىلدارى پايدالانۋعا بەرۋ جوسپارلانۋدا.      سيفرلىق ەفيرلىك حابار تاراتۋ جۇيەسى حالىققا وبلىستىق ورتالىقتار مەن        استانا جانە الماتى قالالارىندا 30 وتاندىق تەلەارنانى، سونداي-اق اۋىلدىق ەلدى مەكەندەردە 15 تەلەارنانى  ابونەنتتىك وتەماقىسىز سيفرلىق ساپادا كورۋگە مۇمكىندىك بەرەدى.       وسىلايشا، ەفيرلىك سيفرلىق حابار تاراتۋدى ەنگىزۋ قالا مەن اۋىل تۇرعىندادرىنىڭ اراسىنداعى اقپاراتتىق تەڭسىزدىكتى تومەندەتەدى، سونداي-اق قازاقستان رەسپۋبليكاسىنىڭ اقپاراتتىق كەڭىستىگىن دامىتۋ ءۇشىن ساپالى جاڭا مۇمكىندىكتەر بەرەدى.