الماتىدا №126 اۆتوبۋستىڭ جۇرگىزۋشىسى 23 جاستاعى قىزدى قاعىپ، مەرت قىلعان جاعدايعا بايلانىستى وقيعانىڭ ءمان-جايى انىقتالدى، - دەپ حابارلايدى Tengrinews.kz. 

"Green Bus Company" ج ش س الماتىلىق فيليالىنىڭ وكىلدەرى وقيعانىڭ تاڭعى 8-دە تولە بي مەن وتەگەن باتىر كوشەلەرىنىڭ قيىلىسىندا بولعانىن ايتتى. 

جۇرگىزۋشى قىزدى قاققان كەزدە باعدارشامنىڭ قىزىل تۇسىنە وتكەن مويىنداپتى.

"جۇرگىزۋشىنىڭ ايتۋىنشا، ول تولە بي كوشەسىمەن شىعىس باعىتتا باعدارشامنىڭ جاسىل تۇسىنە ءوتىپ بارا جاتقاندا، جولعا قىز اتىپ شىققان. جۇرگىزۋشى دەرەۋ توقتاي الماي، قىزدى قاعىپ كەتكەن. العان جاراقاتىنان قىز بالا وقيعا ورنىندا قازا تاپتى. قايتىس بولعان قىز 1994 جىلعى ەكەنى انىقتالدى. جول-كولىك ءوقيعاسىنىڭ ءمان-جايىن جول پوليسيا قىزمەتكەرلەرى اينالىسىپ جاتىر. سونىمەن قاتار، بىزدە تەحنيكالىق تۇستارىن انىقتاپ، تەكسەرۋ جۇرگىزىپ جاتىرمىز"، - دەدى "Green Bus Company" ج ش س الماتىلىق فيليالىنىڭ ديرەكتورى باۋىرجان قۇلىشيەۆ. 

ونىڭ مالىمەتىنشە، اۆتوبۋس تىزگىنىندە وقو تۋماسى 1977 جىلعى جانىبەكوۆ ءانۋار مۇقان ۇلى بولعان. 2016 جىلى 12 قازاندا ول "Green Bus Company" ج ش س الماتىلىق فيليالىنىڭ № 3 كوممۋنالدىق اۆتوبۋس پاركىنە (كاپ) جۇمىسقا تۇرعان. 2017 جىلى 1 جەلتوقساندا № 1 كاپ-قا اۋىسقان. جالپى ەڭبەك ءوتىلى - جەتى جىل. ۇيلەنگەن، ءۇش بالاسى بار. 

"جۇرگىزۋشى بىزدە ىستەپ جاتقانىنا ەكى جىل بولدى. وسى كۇنگە دەيىن ونىڭ تاراپىنان ەشقانداي ەرەجە بۇزۋشىلىق بولعان ەمەس. ءبىز وعان جاقسى جاعىنان باعا بەرەمىز"، - دەدى باۋىرجان قۇلىشيەۆ. 

اۆتوپاركتەگىلەر قايتىس بوعلان قىزدىڭ وتباسىنا كومەكتەسۋگە ۋادە بەردى. 

"ءبىز جەرلەۋ راسىمىنە كەتكەن شىعىننىڭ بارلىعىن ءوز موينىمىزعا الامىز. بۇل ءبىزدىڭ جۇرگىزۋشىنىڭ كىناسى. سونداي-اق قىزدىڭ وتباسى ساقتاندىرۋ كومپانياسىنان اقشا الادى"، - دەدى ول. 

ەسكە سالايىق، جول-كولىك وقيعاسى بۇگىن تولە بي مەن وتەگەن باتىر كوشەلەرىنىڭ قيىلىسىندا بولعان. كۋاگەرلەردىڭ ايتۋىنشا، 126-باعىتتاعى اۆتوبۋس جۇرگىزۋشىسى تولە بي كوشەسىمەن شىعىس باعىتتا كەلە جاتقان.  ءبىراق جەدەل جاردەم كەلگەندە ايەل العان جاراقاتتارىنان قازا بولعان.