16 ساۋىردە ۇيىنەن شىققان قىز سول كۇيى قايتىپ ورالماعان،  دەپ حابارلايدى قازاقپارات.  

ءىز-تۇزسىز جوعالىپ كەتكەن ايگەرىم امرەنوۆا قالاداعى كوللەدجدەردىڭ بىرىندە ءبىلىم الادى. ءقازىر قىزدى ءتارتىپ ساقشىلارى ىزدەپ جاتىر. ازىرگە ناتيجە جوق. بۇگىن قىزدى ىزدەۋ جۇمىستارىنا قالاداعى   "RINA. KZ-سەمەي" ەرىكتىلەر قوزعالىسىنىڭ مۇشەلەرى دە شىقپاق.

«اتا-اناسى مەن تۋعان-تۋىستارى دا ىزدەپ جاتىر. ءقازىر ونىڭ ۇيالى تەلەفونى ءوشىپ جاتىر. سوندىقتان حابارلاسا الماي جاتىرمىز.  تابىلىپ قالادى دەگەن ءۇمىت بار. كەشكى ساعات 18.00-دە قوزعالىس مۇشەلەرى مەن ەرىكتىلەر ايگەرىمدى ىزدەۋگە شىعامىز»، - دەدى قوزعالىس جەتەكشىسى  ەۆگەنيا پاۆەل.

ايگەرىمنىڭ بويى - 167 سم، ورتاشا دەنەلى، شاشىنىڭ ءتۇسى قوڭىر، كوزى جاسىل، وڭ جاق بەتىندە مەڭى بار. جالعىز بالاسىنان كوز جازىپ قالعان اتا-انا ول تۋرالى قاندايدا ءبىر اقپارات تابىلسا 8 747 349 57 17، 8 702 141 22 50 نومىرىنە حابارلاسۋدى سۇرايدى.