بۇگىن وبلىستىق اكىمدىكتىڭ وتىرىسىندا 2018 جىلدىڭ العاشقى ءۇي ايىنداعى وبلىستىڭ الەۋمەتتىك-ەكونوميكالىق دامۋ قورىتىندىلارى شىعارىلدى.

ستاتيستيكا دەپارتامەنتىنىڭ باسشىسى مارال نۇرجاۋىپوۆانىڭ ايتۋىنشا،  2018 جىلدىڭ العاشقى توقسانىندا سقو قۇرىلىس قارقىنى بويىنشا 16 ءوڭىردىڭ ىشىنەن 1ء-شى ورىنعا يە بولدى. 5،8 ملرد تەڭگەگە قۇرىلىس جۇمىستارى جاسالدى، وتكەن جىلمەن سالىستىرعاندا بۇل ەكى ەسەگە جوعارى. بيىل 22 مىڭ شارشى مەتر بولاتىن 200 پاتەر قولدانىسقا بەرىلدى.

ونەركاسىپ سالاسىندا 64 ملرد تەڭگەنىڭ ءونىمى ءوندىرىلدى. قايتا وڭدەۋ ونەركاسىبىندە ءوسىم 107،7 % قۇرادى. ازىق-تۇلىك ءوندىرىسى 36 پايىز، پلاستماسس بۇيىمدارىن ءوندىرۋ 18 پايىزعا ارتتى. العاشقى ءۇش ايدا اۋىل شارۋاشىلىعىندا  22،5 ملرد تەڭگەنىڭ ءونىمى ءوندىرىلدى. 

ءوڭىر باسشىسى وبلىستا ەكسپورتتىڭ كولەمى 1،6 ەسەگە ارتىپ، يمپورتتىڭ كەرىسىنشە ازايعانىن باسا ايتتى. «وسى قارقىندى ساقتاۋ كەرەك» دەپ  قۇمار اقساقالوۆ  اۋدان اكىمدەرىنە تاپسىرما بەردى. جالپى، وبلىس اكىمى العاشقى توقسانداعى ەكونوميكانىڭ دامۋى كورسەتكىشتەرىنە كوڭىلى تولدى. 

-بىزدە الەۋمەتتىك-ەكونوميكالىق دامۋ كورسەتكىشتەرى جامان ەمەس. قىسقا مەرزىمدى ەكونوميكالىق ينديكاتور 108،4 پايىزدى قۇرادى. رەسپۋبليكا بويىنشا بۇل كورسەتكىش - 105،3 پايىز. ياعني، وبلىس ەكونوميكاسىنىڭ دامۋ قارقىنى ورتاشا رەسپۋبليكالىق كورسەتكىشتەن الدەقايدا جوعارى. جىل قورىتىندىسى بويىنشا ءبىزدىڭ كورسەتكىشتەر كەم دەگەندە رەسپۋبليكالىق دەڭگەيدە بولىپ، ءتىپتى ودان اسىپ ءتۇسۋ كەرەك، - دەپ اتاپ ءوتتى قۇمار اقساقالوۆ.

جوعارى ناتيجەلەرگە اۋىل شارۋاشىلىعىن ءارتاراپتاندىرۋدىڭ ارقاسىندا قول جەتكىزۋگە بولادى. مايلى داقىلداردىڭ القاپتارىن ۇلعايتۋ بيۋدجەتكە قوسىمشا 60-70 ملرد.تەڭگە قارجى قۇيادى. ونەركاسىپ جانە قۇرىلىس سالالارىندا دا ەكپىندى ءوسىم كۇتىلۋدە.