الماتىدا "ءبىرىڭعاي جيناقتاۋشى زەينەتاقى قورى" اق ەكس-باسشىسى رۋسلان ەردەنايەۆقا قاتىستى سوت ۇكىمى شىقتى، - دەپ حابارلايدى Tengrinews.kz.

رۋسلان ەردەنايەۆ ق ر قىلمىستىق كودەكسىنىڭ 189-بابىنىڭ 4-بولىگىنىڭ 2-پۋنكتى ("سەنiپ تاپسىرىلعان بوتەن ءمۇلiكتi يەمدەنiپ الۋ نەمەسە تالان-تاراجعا سالۋ") بويىنشا جانە 366-بابىنىڭ 4-بولىگى ("اسا ءىرى كولەمدە پارا الۋ") بويىنشا ايىپتى دەپ تانىلىپ، 12 جىلعا باس بوستاندىعىنان ايىرىلدى. سونداي-اق، ول مەملەكەتتىك قىزمەتكە تۇرۋ قۇقىعىنان ءومىر بويىنا ايىرىلدى.

مەملەكەتتىك ايىپتاۋشىنىڭ مالىمەتىنشە، 2016 جىلدىڭ 6 قازانىندا "ءبىرىڭعاي جيناقتاۋشى زەينەتاقى قورى" اق بەس ميلليارد تەڭگە سوماعا قۇندى قاعاز ساتىپ العان. الايدا "بجزق" اق قاتەرلەر دەپارتامەنتى بۇل كەلىسىمنەن باس تارتۋعا كەڭەس بەرگەن. قۇقىق قورعاۋ ورگاندارىنىڭ وكىلدەرى بۇل كەلىسىمنىڭ سالدارىنان مەملەكەتكە اسا ءىرى كولەمدە زيان كەلگەنىن ايتىپ وتىر.