سەمەيدە 18 جاستاعى قىز بالا جوعالىپ كەتتى. 16 ءساۋىر كۇنى ۇيىنەن شىققان ول سول كۇيى قايتىپ ورالماعان،  دەپ حابارلايدى Qamshy.kz اقپارات اگەنتتىگى.

ءىز-تۇزسىز جوعالىپ كەتكەن ايگەرىم امرەنوۆا قالاداعى كوللەدجدەردىڭ بىرىندە وقيدى. ءقازىر ايگەرىمدى ءتارتىپ ساقشىلارى ىزدەستىرىپ جاتىر. ازىرگە ناتيجە جوق. بۇگىن قىزدى ىزدەۋ جۇمىستارىنا قالاداعى   "RINA. KZ-سەمەي" ەرىكتىلەر قوزعالىسىنىڭ مۇشەلەرى دە شىقپاق.

— اتا-اناسى مەن تۋعان-تۋىستارى دا ىزدەپ جاتىر. ونىڭ ۇيالى تەلەفونى ءوشىپ جاتىر. سوندىقتان حابارلاسا الماي وتىرمىز.  تابىلىپ قالادى دەگەن ءۇمىت بار. كەشكى ساعات 18.00-دە قوزعالىس مۇشەلەرى مەن ەرىكتىلەر ايگەرىمدى ىزدەۋگە شىعامىز، - دەدى قوزعالىس جەتەكشىسى  ەۆگەنيا پاۆەل.

ايگەرىمنىڭ بويى - 167 سم، ورتاشا دەنەلى، شاشىنىڭ ءتۇسى قوڭىر، كوزى جاسىل، وڭ جاق بەتىندە مەڭى بار. جالعىز بالاسىنان كوز جازىپ قالعان اتا-انا ول تۋرالى قانداي دا ءبىر اقپارات تابىلسا +7- 747 349 57 17؛ +7 -702 141 22 50 نومىرىنە حابارلاسۋدى  سۇرايدى.