قازاقستان رەسپۋبليكاسىنىڭ اقپاراتتاندىرۋ تۋرالى زاڭىنا سايكەس اقپارات جانە كوممۋنيكاسيالار مينيسترلىگى «استانا – 1» اقپاراتتىق جۇيەسىن قۇرۋ تۋرالى تەحنيكالىق تاپسىرمانى بەكىتتى دەپ جازادى Qamshy.kz اقپارات اگەنتتىگى. بۇل تۋرالى اقپارات جانە كومۋنيكاسيالار ءمينيسترى داۋرەن ابايەۆ بۇگىنگى ۇكىمەت وتىرىسىندا ۇكىمەت وتىرىسىندا «2018-2027 جالدارعا ارنالعان ەتتى مال شارۋاشىلىعىن دامىتۋ» باعدارلاماسىنىڭ تۇجىرىمداماسىن تانىستىرۋ بارىسىندا مالىمدەدى. داۋرەن ابايەۆتىڭ ايتۋى بويىنشا، ەكسپورت جانە يمپورت سالاسىنداعى ليسەنزيا مەن رۇقسات قۇجاتتارى بويىنشا 42 مالىمەت بەرىلەدى.
«بۇل جوبا ىسكە قوسىلعاننان كەيىن ازىن-اۋلاق قاتەلەر كەزدەستى. الايدا ءقازىر اتالعان قاتەلەر تولىق جويىلدى. سونىمەن قاتار مەملەكەتىمىزدىڭ اۋماعىنا راديو-ەلەكتروندىق جانە جوعارى جيەلىكتەگى قۇرالداردى اكەلۋگە قورىتىندى جانە يمپورتقا ليسەنزيا بەرۋگە ىڭعايلى قىلۋ ماقساتىندا جول كارتاسى ازىرلەنىپ بەكىتىلدى. جول كارتاسى كەلەسى جۇمىستاردى وڭتايلاندىرادى. بىرىنشىدەن، قىزمەت كورسەتۋ مەرزىمى 26 جۇمىس كۇنىنەن 8 جۇمىس كۇنىنە دەيىن قىسقارتادى. ەكىنشىدەن، تالاپ ەتىلەتىن قۇجاتتار سانىن ازايتادى. ءۇشىنشىسى اتقارىلاتىن جۇمىستى تولىعىمەن اۆتوماتتاندىرۋعا دەيىن كوشۋدى كوزدەيدى. 2017 جىلدىڭ سوڭىندا مەملەكەتتىك كىرىستەر كوميتەتى «استانا – 1» اقپاراتتىق جۇيەسىنىڭ ەلەكتروندىق قىزمەتىن تولىق ەنگىزۋگە بايلانىستى ارنايى سۇرانىس جولداندى. وندا بايلانىس ارنالارىنىڭ ىشكى جانە سىرتقى پۋنكتارىن وتكىزۋ قابىلەتىن ۇلعايتۋ تۋرالى ايتىلعان»، — دەدى داۋرەن ابايەۆ.
سونىمەن بىرگە داۋرەن ابايەۆ «استانا – 1» اقپاراتتىق جۇيەسىنىڭ جۇمىس ىستەۋى ءۇشىن 119 نىسانعا ارنايى بايلانىس كانالدارى قولدانىلاتىنىن ايتتى.
«ولاردىڭ 48 اكىمشىلىك 71 كەدەن بەكەتىمەن پايدالانىلادى. ياعني 63 كەدەن بەكەتى جەردەگى بايلانىس كانالى ارقىلى 8 كەدەن بەكەتى سپۋتنيكتىك بايلانىس ارقىلى قوسىلعان. قازىرگى ۋاقىتتا مينيسترلىك ۇلتتىق اقپاراتتىق تەحنولوگيالار اكسيونەرلىك قوعامى جانە بايلانىس وپەراتورلارى بىرلەسىپ كەدەن بەكەتىنە بايلانىس كانالدارىن وتكىزۋ قابىلەتىن ۇلعايتۋ بويىنشا جۇمىستاردى جۇرگىزىپ جاتىر. وسىلايشا 2018 جىلى 12 كەدەن بەكەتىندەگى بايلانىس ۇلعايتىلدى. ال بيىلعى جىلدىڭ ەكىنشى توقسانىندا 52 بەكەتتەگى بايلانىس جىلدامدىعى ارتتىرىلىمى جوسپارلانىپ وتىر. قوسىمشا 7 بەكەت بويىنشا تەحنيكالىق مۇمكىندىكتەر قاراستىرىلىپ جاتىر»، دەدى اقپارات جانە كوممۋنيكاسيالار ءمينيسترى.
