تورونتودا اۋىر جۇك كولىگى ءبىر توپ ادامدى قاعىپ كەتتى. سونىڭ ناتيجەسىندە 10 ادام كوز جۇمدى، 15 ادام ءتۇرلى دارەجەدەگى جاراقات الدى، دەپ حابارلايدى Qamshy.kz اقپارات اگەنتتىگى.
قىلمىس جاساعان ادام ۇستالدى. ول 25 جاستاعى الەك ميناسيان. ءقازىر پوليسەيلەر ودان تۇسىنىكتەمە الىپ جاتىر. الەك ميناسيان وقيعا ورنىنان قاشۋعا تالپىنعان، ءبىراق پوليسەيلەر ونى ۇستاپ ۇلگەردى.
پوليسيا باسشىسى مارك ساندەرس ەر ادامنىڭ ارەكەتى قاساقانا جاسالعانىنا سەنىمدى.
ءقازىر تەكسەرۋ جۇمىستارى جۇرگىزىلىپ جاتىر. كانادانىڭ پرەمەر-مينيسترى ءوزىنىڭ تۆيتتەر پاراقشاسىندا قايتىس بولعانداردىڭ جاقىندارىنا كوڭىل ايتتى.
«كانادا تورونتوداعى جاعدايدا كوز جۇمعانداردىڭ تۋىستارى مەن دوستارىمەن بىرگە. جاراقات العاندارعا تەزىرەك ساۋىعىپ كەتۋىن تىلەيمىز» دەپ جازدى دجاستين تريۋدو.
پىكىر قالدىرۋ