تاۋەلسىزدىك جىلدارىندا 81 مىڭعا جۋىق اتاۋلى كىتاپ جارىق كوردى

/uploads/thumbnail/20180425165044104_small.jpg

بۇگىن ەلوردادا ق ر مەملەكەتتىك حاتشىسى گۇلشارا ءابدىقالىقوۆانىڭ قاتىسۋىمەن «Eurasian Book Fair - 2018» ءىىى ەۋرازيالىق حالىقارالىق كىتاپ كورمە-جارمەڭكەسى ءوز جۇمىسىن باستادى.

شارانىڭ سالتاناتتى اشىلۋ راسىمىندە مەملەكەتتىك حاتشى ەلوردا تورىندە ءتورت كۇن بويى وتەتىن ەۋرازيالىق حالىقارالىق كىتاپ كورمە-جارمەڭكەسى بارلىق كىتاپسۇيەر قاۋىمنىڭ رۋحاني مەرەكەسى ەكەندىگىن اتاپ ءوتتى.

سونىمەن قاتار تاياۋدا «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى اياسىندا جارىق كورگەن العاشقى 18 كىتاپ ەلباسى نۇرسۇلتان نازاربايەۆقا تانىستىرىلعاندىعىن ايتتى.

«تاۋەلسىزدىك العاننان كەيىن قازاقستاندا ۇلتتىق كىتاپ باسىپ شىعارۋ ءىسى دامۋىنىڭ جاڭا كەزەڭى باستالدى. وسى جىلداردىڭ ىشىندە جالپى تارالىمى شامامەن 400 ملن دانا بولاتىن 81 مىڭعا جۋىق اتاۋلى كىتاپ شىعارىلدى. تەك 2010 جىلدان باستاپ قانا كىتاپ باسىپ شىعارۋ ىسىنە 10 ملرد تەڭگەدەن استام قاراجات ءبولىندى. بۇگىندە باسپا قىزمەتىمەن 380 كومپانيا اينالىسادى»، - دەدى گۇلشارا ءابدىقالىقوۆا.

ايتا كەتەيىك، «Eurasian Book Fair - 2018» ءىىى ەۋرازيالىق حالىقارالىق كىتاپ كورمە-جارمەڭكەسى ءساۋىردىڭ 25-28 ارالىعىندا «كورمە» كورمە ورتالىعىندا جۇمىس ىستەيدى. بيىلعى كورمە ق ر مادەنيەت جانە سپورت مينيسترلىگى مەن استانا اكىمدىگىنىڭ قولداۋىمەن ەلوردانىڭ 20 جىلدىق مەرەيتويىنا ارنالعان. كورمە-جارمەڭكەگە الەمنىڭ رەسەي، ۇلىبريتانيا، پولشا، تۇركيا، جۇڭگو، ءۇندىستان، وزبەكستان سىندى 18 ەلىنەن 155 كومپانيا مەن ۇيىمنىڭ وكىلدىكتەرى قاتىسۋدا.

پىكىر قالدىرۋ

قاتىستى ماقالالار