بۇگىن ق ر ءدىن ىستەرى جانە ازاماتتىق قوعام ءمينيسترى دارحان كالەتايەۆ امەريكا قۇراما شتاتتارىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دجوردج كرولمەن كەزدەستى، دەپ حابارلايدى Qamshy.kz اقپارات اگەنتتىگى.
كەزدەسۋ بارىسىندا مينيستر قازاقستان اقش-پەن جان-جاقتى سەرىكتەستىك دەڭگەيىندە قارىم-قاتىناستاردى دامىتۋعا ايرىقشا ءمان بەرەتىنىن ايتا كەلە، قازىرگى ۋاقىتتاعى ءدىن سالاسىندا جۇرگىزىلىپ وتىرعان مەملەكەتتىك ساياسات تۋرالى اڭگىمەلەدى.
دارحان كالەتايەۆ قازاقستاندا مەملەكەت پەن ءدىن اراسىندا ءوزارا ءىس-قيمىلدىڭ وزىندىك ۇلگىسى قالىپتاسىپ كەلە جاتقانىنا توقتالىپ، وسى باعىتتا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ازىرلەنگەنىن اتاپ ءوتتى.
ءمينيستردىڭ ايتۋىنشا، قازىرگى ۋاقىتتا ەلىمىزدە ءارتۇرلى دىندەر مەن كونفەسسيالار وكىلدەرى اراسىندا ءوزارا ءىس-قيمىل جانە ىنتىماقتاستىق ءۇشىن قولايلى جانە كونسترۋكتيۆتى جاعداي قالىپتاسقان.
تاراپتار تاجىريبە الماسۋ جانە ءدىني قىزمەتتى رەتتەۋ سالاسىنداعى ءوزارا ءىس-قيمىل جونىندەگى ىنتىماقتاستىق ماسەلەلەرىن تالقىلادى.
كەزدەسۋ سوڭىندا تاراپتار بىرلەسكەن ءتيىمدى قارىم-قاتىناستاردى ورناتۋداعى ورتاق باستامالار امەريكا قۇراما شتاتتارى مەن قازاقستان اراسىنداعى تابىستى ىنتىماقتاستىقتىڭ كەپىلى بولاتىنىن جەتكىزدى.
پىكىر قالدىرۋ