كحدر مەن وڭتۇستىك كورەيا پرەزيدەنتى دەماركاسيالىق شەكاراداعى پحانمۋندجوم سويلەسۋ پۋنكتىندە كەزدەستى، دەپ حابارلايدى Qamshy.kz اقپارات اگەنتتىگى Ria.ru-عا سىلتەمە جاساپ.
كيم چەن ىن مەن مۋن چجە ين بىر-بىرىمەن قول بەرىپ امانداسىپ، بىرگە سۋرەتكە تۇسكەن. ودان كەيىن كورەي ارالىق سامميت وتەتىن عيماراتقا بارعان.
كيم چەن ىن كحدر كەلىسسوزگە تاريحتاعى بەيبىتشىلىك پەن دامۋ جولىنداعى جاڭا پاراقتى اشۋعا دايىندالىپ كەلگەنىن مالىمدەگەن.
مۋن چجە ين سولتۇستىك كورەيا باسشىسىن كەلىسىمگە كەلۋگە شاقىردى.
«ەگەر ءبىز شىنايى سۇحبات جۇرگىزسەك، بۇل - بەيبىتشىلىككە ۇمتىلعان ۇلتىمىز بەن جەر بەتىندەگى ادامدارعا ۇلكەن سىيىمىز بولماق» دەدى ول.
بۇگىن ەكى ەلدىڭ قارىم-قاتىناسىن جاقسارتۋ جولدارى قاراستىرىلادى.
كيم چەن ىن وڭتۇستىك كورەيا شەكاراسىنا كىرگەن العاشقى كحدر پرەزيدەنتى. ەكى ەل اراسىنداعى شەكارانىڭ جابىلعانىنا 65 جىل بولعان.
ەستەرىڭىزگە سالا كەتەيىك، 21 ساۋىردە سولتۇستىك كورەيا يادرولى قارۋ مەن بالليستيكالىق زىمىراندى سىناۋدى توقتاتىپ، پحۋنگەريدەگى يادرولى پوليگوندى جاباتىنىن مالىمدەگەن.
