«حالىقتىڭ ءومىر ءسۇرۋ ۇزاقتىعىنىڭ وسۋىنە جانە مەديسينالىق تەحنولوگيالاردىڭ دامۋىنا بايلانىستى مەديسينالىق قىزمەت كورسەتۋگە دەگەن سۇرانىس كولەمى ارتا تۇسەتىن بولادى. قازىرگى دەنساۋلىق ساقتاۋ ءىسى قىمباتقا تۇسەتىن ستاسيونارلىق ەمگە ەمەس، نەگىزىنەن اۋرۋدىڭ الدىن الۋعا باعىتتالۋعا ءتيىس»

          ق ر پرەزيدەنتى ن.نازاربايەۆتىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىنان

بيىلدان باستاپ قاعازسىز دەنساۋلىق جۇيەسى ەلىمىز بويىنشا ءتورت وڭىردە، ياعني قاراعاندى، قوستاناي، اقمولا جانە باتىس قازاقستان وبلىستارىندا پيلوتتىق رەجيمدە ىسكە قوسىلعانى ءمالىم. باتىس قازاقستان وبلىسىندا ترياج جۇيەسىمەن، قاعازسىز قۇجات اينالىمى، كەزەكسىز ەمحانا، ناۋقاستىڭ ەلەكتروندى  ءتولقۇجاتى، «K-vrach.ك» ءموبيلدى قوسىمشالارى جۇيەلى جۇمىس جاساپ كەلەدى.

باتىس قازاقستان وبلىستىق دەنساۋلىق ساقتاۋ باسقارماسىنىڭ باسشىسى قانات توسەكبايەۆتىڭ مالىمدەۋىنشە، وتكەن جىلى وبلىستا جالپى ءولىم كورسەتكىشى 5،1 پايىزعا، بالا ءولىمى  14،1 پايىزعا، تۋبەركۋلەز اۋرۋىنان ءولىم 3،7 پايىزعا، قاتەرلى رەت سالدارىنان بولاتىن ءولىم كورسەتكىشى 4،7 پايىزعا كەمىگەن. قان اينالىم جۇيەسى اۋرۋلارىنان بولاتىن ءولىم 2،1 ارتقان، ءبىر انا ءولىمى تىركەلگەن. الدىن الۋ جانە سكرينيگتىك شارالار بارىسىندا 128 802 ادام تەكسەرۋدەن وتكەن. جەدەل جاردەم قىزمەتى جاڭارتىلىپ، رەبرەندينگ جاسالعان. شاقىرۋلاردى وڭدەۋ ۋاقىتى ازايىپ، جەدەل قىزمەت كورسەتۋ ساپاسى ارتقان. وبلىستاعى 40 مەديسينالىق ۇيىمنىڭ 19-ى تولىقتاي قاعازسىز قۇجات اينالىم جۇيەسىنە كوشكەن. جىل سوڭىنا دەيىن قالعان 21 ۇيىم دا قوسىلماق.

الايدا وڭىردە مامان تاپشىلىعى ءالى كۇنگە كۇن تارتىبىنەن تۇسپەي كەلەدى. قانات دۇيسەنباي ۇلىنىڭ ايتۋىنشا، بىلتىر وبلىسقا 86 دارىگەر كەلگەن، ولاردىڭ 42ء-سى اۋدان-اۋىلدارعا جولدانعان. دەيتۇرعانمەن، ءالى 207 دارىگەرگە سۇرانىس بار. سونىڭ ىشىندە 51 جالپى تاجىريبەدەگى دارىگەر، 25 اكۋشەر-گينەكولوگ، انەستەزيولوگيا جانە رەانيماتولوگيا سالاسىندا 19، كاريولوگيادا 10 دارىگەر قاجەت.

بىلتىر وبلىستىڭ 160 مەكتەپ تۇلەگىنە جەرگىلىكتى بيۋدجەت قارجىسىنان جوعارعى وقۋ ورىندارىندا تەگىن ءبىلىم الۋعا مۇمكىندىك بەرىلگەن ەدى.مەملەكەتتىك گرانتقا يە بولعانداردىڭ 24ء-ى دارىگەر ماماندىعىن تاڭداعان. باستى تالاپ – وقۋلارىن اياقتاعان سوڭ باتىس قازاقستان وبلىسىنا كەلىپ، كەمى بەس جىل كەلىسىمشارت بويىنشا ەڭبەك ەتۋگە مىندەتتى.

سيفرلاندىرۋدىڭ تيىمدىلىگىن دارىگەرلەرمەن قاتار ەمدەلۋشىلەر دە سەزىنىپ وتىر.