ەلباسى «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا ءتيىمدى مەملەكەتتىك باسقارۋ تۋرالى ءبىراز ماسەلە كوتەرىلگەن ەدى. اسىرەسە وڭىرلەردەگى مەملەكەتتىك قىزمەتتىڭ تيىمدىلىك الەۋەتىن ولاردىڭ ەكونوميكالىق دەربەستىگى مەن جاۋاپكەرشىلىگىن ارتتىرۋ،  ارتىلعان قاراجاتتى مەملەكەتتىك قىزمەتشىلەردىڭ فاكتورلىق-بالدىق شكالاعا نەگىزدەلگەن جاڭا ەڭبەكاقى جۇيەسىن ەنگىزۋگە باعىتتاۋ قاجەتتىگىن ايتقان بولاتىن.وسى ورايدا قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ باتىس قازاقستان وبلىسى بويىنشا دەپارتامەنتى مەملەكەتتىك قىزمەت باسقارماسىنىڭ باسشىسى ۆەنەرا ماسيموۆامەن تىلدەسكەن ەدىك.

ونىڭ ايتۋىنشا، باتىس قازاقستان وبلىسىنداپ  4160 استام مەملەكەتتىك قىزمەتشى بولسا،  ونىڭ  42،6%-ى  ەر، 57،4%-ى  ايەل ادامدار ەكەن.

- مەمقىزمەتكەرلەردىڭ ەڭبەك اقىسى ەندى فاكتورلى-باللدىق شكالا (فبش) بويىنشا تولەنەتىن بولادى. اعىمداعى جىلى اتالمىش جۇيە پيلوتتىق رەجيمدە استانا، ماڭعىستاۋ وبلىسى اكىمدىكتەرىندە جانە ادىلەت مينيسترلىگى مەن مەملەكەتتىك قىزمەت ىستەر جانە سىبايلاس جەمقورلىققا قارسى ءىس-قيمىل اگەنتتىگىنە ەنگىزىلگەن.  حالىقارالىق تاجىريبەنى ەسكەرە وتىرىپ ەنگىزىلگەن فاكتارلى-باللدىق جۇيەلى ەڭبەك اقى لاۋازىم فۋنكسيونالىنىڭ اۋقىمدىلىعى مەن ەرەكشىلىگىنە نەگىزدەلگەن. مەملەكەتتىك قىزمەتشىنىڭ لاۋازىمدىق مارتەبەسىنە عانا ەمەس، ءار قىزمەتكەردىڭ تاپسىرمانى ورىنداۋداعى  ناقتى ۇلەسى ەسكەرىلەتىن بولادى.  جاڭا تولەم جۇيەسىنىڭ باستى ەرەكشەلىگى، جۇكتەلگەن مىندەتتەر مەن ناتيجەلەر شەڭبەرى ەسكەرىلگەن ەكى بولىمنەن تۇرادى. ءبىرىنشى ءبولىم – فاكتورلى-باللدىق شكالا نەگىزىندەگى قىزمەتكەردىڭ كەپىلدى لاۋازىمدىق ەڭبەكاقىسىن الادى،  ەكىنشىسى – قىزمەتكەرلەر جىل قورىتىندىسى بويىنشا ەڭبەكتەرىنە ساي بونۋستارعا يە بولادى،- دەيدى ول.

سونداي-اق ق ر ۇكىمەتىنىڭ 2018 جىلعى 15 ناۋرىزداعى №125 قاۋلىسىمەن اكىمشىلىك مەملەكەتتىك قىزمەتشىلەر بىلىكتىلىگىن ارتتىرۋ جانە قايتا دايارلاۋ كۋرستارىندا  وقىتۋ قاراستىرىلعان. مەملەكەتتىك قىزمەتشىلەر لاۋازىمعا تاعايىندالعان كۇننەن باستاپ التى ايدان كەشىكتىرىلمەي قايتا دايارلاۋعا  جىبەرىلەدى جانە ءۇش جىلدا ءبىر رەت بىلىكتىلىك ارتتىرۋ كۋرسىنان  وتەدى.  بيىل  باتىس قازاقستان وبلىسىندا 1200-گە  جۋىق مەملەكەتتىك قىزمەتشىلەردىڭ بىلىكتىلىن ارتتىرۋ جوسپارلانعان.  1 ساۋىردەگى مالىمەتكە سۇيەنسەك، بىلىكتىلىكتى ارتتىرۋ بويىنشا جىلدىق جوسپاردىڭ 26%-ى ورىندالعان. سونىمەن قوسا كاسىبي جانە اۆتونومدى مەملەكەتتىك اپپاراتتى قۇرۋ ارقىلى مەملەكەتتىك كىزمەتتىڭ مانساپتىق مودەلى ەنگىزىلگەن بولاتىن. بۇل مەملەكەتتىك قىزمەتشىلەرگە مانساپتىق ءوسۋىن جوسپارلاۋعا،  كاسىبي تۇرعىدان دامۋىنا مۇمكىندىك بەرەدى. اتالعان مودەلدىڭ جۇيەسىندە، مەملەكەتتىك كىزمەتكە العاش ورنالاسۋشىلار وزدەرىنىڭ كاسىبي قىزمەتتەرىن تومەنگى لاۋازىمنان باستاۋدا. ايتا كەتسەك، وبلىس بويىنشا  جىل  باسىنان بەرى  90-نان  استام ادام  مەملەكەتتىك قىزمەتكە تومەنگى لاۋازىمنان ءوز قىزمەتتەرىن باستاعان.

گۇلىم اقاپ،

باتىس قازاقستان وبلىسى