ق ر ۇلتتىق ەكونوميكا ەكس-مينيسترى قۋاندىق بيشىمبايەۆتىڭ اپپەلياسيالىق شاعىمىن استانا قالاسى سوتىنىڭ قىلمىستىق ىستەر بويىنشا سوت القاسى 16 مامىردا قارايدى، دەپ جازادى Qamshy.kz اقپارات اگەنتتىگى.
«قىلمىستىق ءىس استانا قالاسى سوتىنىڭ قىلمىستىق ىستەر بويىنشا سوت القاسىنىڭ قابىلداۋىنا سايكەس كەلەدى. سوت وتىرىسى 2018 جىلدىڭ 16 مامىرىنا ساعات 10:00-دە باستالادى»، - دەلىنگەن سوت القاسىنىڭ سۋدياسى رامازانوۆتىڭ قولى قويىلعان قۇجاتتا.
ايتا كەتەيىك، 14 ناۋرىزدا سوت بيشىمبايەۆتى 10 جىلعا، ال ونىڭ باۋىرى سۇلتان نۇرلىبەكتى جەتى جىلعا، قالعان 21 سوتتالۋشىنى ءتورت جىلعا دەيىن باس بوستاندىعىنان ايىرۋ تۋرالى شەشىم شىعاردى. ال 17 ساۋىردە ەكس-مينيستر سوت ۇكىمىنە شاعىم ءتۇسىرىپ، وزىنە قاتىستى ۇكىمدى زاڭسىز ءارى نەگىزسىز شىعارىلدى دەدى.
