ءورت ءسوندىرۋ قىزمەتىنىڭ بۇرىنعى باسشىسى سەرگەي گەنين «زيمنيايا ۆيشنيا» ساۋدا ۇيىندەگى ءورتتى ءسوندىرۋ كەزىندە جۇمىسىنا سالعىرت قارادى» دەپ ايىپتالىپ وتىر، دەپ جازادى Qamshy.kz اقپارات اگەنتتىگى. ول تەرگەۋ يزولياتورىنان حات جازدى. ونى ءسىبىر اۋداندىق تجق ءباساپاسوز قىزمەتى جاريالادى.

سەرگەي گەنين حاتىندا العىس ايتادى.

«ريزاشىلىعىمدى قالاي جەتكىزەتىنىمدى دە بىلمەيمىن... ومىردە ءبارى تۇراقسىز. مۇنداي جاعدايدا بولامىن دەپ ەشقاشان ويلاماپپىن» دەپ جازدى ءورت ءسوندىرۋشى.

سەرگەي گەنين وعان كورشىلەر مەن تەرگەۋ يزولياتورىنىڭ قىزمەتكەرلەرى قولداۋ ءبىلىدىرىپ وتىرعانىن دا جازدى.

«كامەراعا كىرگەندە ەسەڭگىرەپ قالدىم. ولار ماعان قولداۋ ءبىلدىردى... ءقازىر جاعدايىم تۇزەلگەن سياقتى. اكىمشىلىكتىڭ ماعان قاتىستى قارىم-قاتىناسى ءتۇزۋ» دەپ جازدى گەنين.

تەرگەۋ يزولياتورىنداعى العاشقى كۇندەر قيىن بولعانىن ايتادى. ول ۇيىقتاي الماي ءبىراز قينالعان. وعان پسيحولوگتار، كورشىلەرى مەن اكىمشىلەر كومەكتەسكەن.

گەنين حاتىندا جاقىن ارادا ۇيىنە، جۇمىسىنا ورالۋدا قالايتىنىن جازعان.

تەرگەۋشىلەردىڭ مالىمەتىنشە، سەرگەي گەنينگە قىسقا جولمەن قالاي جۇرۋگە بولاتىنى ايتىلعان، ءبىراق ول قىزمەتكەرلەرىن ۇزاق جولمەن جۇرۋگە ماجبۇرلەگەن.

ەستەرىڭىزگە سالا كەتەيىك، 25 ناۋرىزدا 4 قاباتتى «زيمنيايا ۆيشنيا» ساۋدا ۇيىندە ءورت بولدى. 60 ادام كوز جۇمدى. ونىڭ كوبى – بالالار. ورتتە كوز جۇمعانداردىڭ ءبىرازى جوعارى قاباتتا ورنالاسقان كينوتەاتردان شىعا الماي قالعان.