قازاقستان رەسپۋبليكاسى 2018 جىلعى 27 ساۋىردە پحانمۋندجوم شەكارا بەكەتىندە كورەيا رەسپۋبليكاسىنىڭ پرەزيدەنتى مۋن چجە ينمەن كورەيا حالىق دەموكراتيالىق رەسپۋبليكاسىنىڭ كوشباسشىسى كيم چەن ىن اراسىنداعى ءسامميتتى قۇپتايدى جانە كورەيارالىق ديالوگتى جانداندىرۋعا، سونداي-اق جاھاندىق قاۋىپسىزدىكتى نىعايتۋعا باعىتتالعان كەلىسسوزدەردىڭ ناتيجەسىن جوعارى باعالايدى.

قازاقستان كورەي تۇبەگىندەگى جاعدايدى ديالوگ پەن كەلىسسوزدەر ارقىلىرەتتەۋ پروسەسسىن قولدايدى جانە ساياسي-ديپلوماتيالىق شەشىمكۇردەلى حالىقارالىق ماسەلەلەردى قاراستىرۋداعى جالعىز دۇرىس امال بولىپ تابىلاتىندىعىنا سەنىمدى.

قازاقستان يادرولىق قارۋسىزداندىرۋ تاجىريبەسى بار ەل رەتىندە «كورەي تۇبەگىنىڭ بەيبىتشىلىگى، گۇلدەنۋى جانە بىرىگۋى تۋرالى پحانمۋندجوم دەكلاراسياسىن» قۇپتايدى جانە كورەي تۇبەگىنىڭ يادرولىق قارۋسىز مارتەبەسىنە قول جەتكىزۋ بويىنشا ەكى ەلدىڭ ۋاعدالاستىعىن تولىق قولدايدى.

وسى جىلدىڭ باسىنان بەرى ەكى كورەيااراسىنداعى بەلسەندى ديالوگ كورەيارالىقسامميت جانە پحەنياننىڭ يادرولىق سىناقتاردان جانە زىمىرانداردى ۇشىرۋدان باس تارتۋى سياقتى ايتارلىقتاي ناتيجەلەرگە جەتكىزدى.

وسىتۇرعىدا، ەڭ ءىرى يادرولىق سىناق پوليگونىن جابۋ، يادرولىق ارسەنالدان باس تارتۋ، ءتيىستى اسكەري ينفراقۇرىلىمدى جويۋ، ياقتش مەن يادرولىق سىناقتارعا جاپپاي تىيىم سالۋ تۋرالى شارتتى ىسكە اسىرىپ، ىلگەرىلەتۋگە قاتىسۋ تۋرالى قازاقستاننىڭ شەشىمى ەلىمىزدىڭ تابىستى جانە تۇراقتى دامۋىنىڭ كەپىلىنە، بەلسەندى سىرتقى ساياسي باعىتتىڭ نەگىزىنە جانە ايماقتىق قاۋىپسىزدىكتىڭ ماڭىزدى فاكتورلارىنىڭ بىرىنە اينالۋى ۇلگىلى جاعداي بولىپ تابىلادى.