سيريا ۇكىمەتى اسكەرىنىڭ حاما مەن الەپپو قالالارى ماڭىنداعى بەكىنىستەرى زىمىرانمەن اتقىلاندى. شابۋىلدان جاپا شەككەندەر تۋرالى مالىمەت جوق. اسكەريلەردىڭ ايتۋىنشا، وسى شاھارلاردىڭ شەتىندەگى قارۋ-جاراق قويمالارى مەن الەپپو جانىنداعى اسكەري اۋەجاي نىساناعا الىنعان. سونىمەن بىرگە باشار اساد جاعىندا سوعىسىپ جاتقان يراندىق جاساقتار ورنالاسقان تۇس تا زارداپ شەكتى.
الايدا بۇل سوققىلاردى كىمنىڭ جۇزەگە اسىرعانى ءالى بەلگىسىز. ءقازىر ول تەكسەرىلىپ جاتىر.
ەسكە سالا كەتەيىك، ءساۋىردىڭ 14ء-ى كۇنى اقش، ۇلىبريتانيا، فرانسيا ەلى سيريا ۇكىمەت اسكەرى دۋما قالاسىندا حيميالىق قارۋ قولداندى دەگەن ايىپپەن وسى ەلدىڭ اۋماعىن زىمىرانمەن اتقىلاعان بولاتىن. ول كەزدە بۇل مەملەكەتتەر داماسك ماڭىنداعى عىلىمي-زەرتتەۋ ورتالىعىن، اۋە قورعانىس بازاسىن، بىرنەشە اۋەجايدى جانە قارۋ-جاراق قويمالارىن كوزدەگەن.
