كحدر ليدەرى كيم چەن ىن اقش پرەزيدەنتى دونالد ترامپپەن كەزدەسۋگە كەلسىمىن بەردى. ەكەۋى سولتۇستىك كورەيا مەن وڭتۇستىك كورەيا شەكاراسىنداعى پانمۋندجون ارنايى ايماعىندا كەزدەسەدى. بۇل تۋرالى CNN حابارلايدى.
كەزدەسۋ جەرىن وڭتۇستىك كورەيا پرەزيدەنتى 27 ساۋىردە وتكەن سامميت كەزىندە ۇسىنعان. تەلەارنانىڭ مالىمەتىنشە، كەزدەسۋدىڭ كەي شارالارى سولتۇستىك كورەيا شەكاراسىندا ءوتۋى مۇمكىن.
وسىعان دەيىن ترامپ كيم چەن ىنمەن كەزدەسۋدىڭ ناقتى ۋاقىتىن ايتاتىنىن مالىمدەگەن. جۋرناليستەرمەن اڭگىمەلەسۋ بارىسىندا كەزدەسۋدىڭ جاقىن اراداعى ءۇش-تورت اپتادا بولاتىنىن ايتقان.
