برازيليانىڭ سان-پاۋلۋ قالاسىندا ءورتتىڭ سالدارىنان 26 قاباتتى ءۇي قۇلادى.
ءۇيدىڭ وپىرىلىپ تۇسكەنىن كۋاگەر ۆيدەوعا ءتۇسىرىپ العان. ودان ءۇي تولىق ورتكە ورانعانىن كورۋگە بولادى.
ازىرشە ءبىر ادامنىڭ كوز جۇمعانى بەلگىلى. ءۇش ادام ءىز-تۇزسىز جوعالىپ كەتتى. كۋاگەرلەردىڭ ايتۋىنشا، ءورت باستالعاندا ادامداردىڭ شىڭعىرعان داۋىسى ەستىلگەن. ورتتە كوز جۇمعانداردىڭ سانى ارتۋى مۇمكىن.
ءورت باستالعاندا ادامدار عيماراتتان ەۆاكۋاسيالانعان، الايدا ءورت كەزىندە كوپ قاباتتى ۇيدە قانشا ادام بولعانى بەلگىسىز.
ورتەنگەن ۇيدە 50 وتباسى تىركەلگەن. بوس پاتەردە ءۇيسىز جۇرگەن ادامدار تۇرعان.
