رف-نىڭ تەرريتورياسىنداعى گەوگرافيالىق وبەكتىلەردىڭ اتاۋلارى دۇرىس جازىلعان جاڭا الەم كارتاسى شىعادى.
رەسەي پرەزيدەنتى ۆلاديمير پۋتين روسرەەسترگە جانە ورىس گەوگرافيالىق قوعامداستىعىنا قورعانىس مينيسترلىگىمەن بىرلەسە وتىرىپ الەمنىڭ جاڭا گەوگرافيالىق اتلاسىن جاساۋدى تاپسىردى.
«وگق-مەن بىرلەسە وتىرىپ جاڭا گەوگرافيالىق اتلاس جاساپ شىعارۋ قولعا الىنباق. روسرەەستر مەن ورىس گەوگرافيالىق قوعامداستاعىنا اتالعان اتلاستى جاساپ شىعارۋعا تاپسىرامىن»،-دەدى پۋتين وگق وتىرىسىندا.
ونىڭ سوزىنشە، الەمگە تاريحي جانە گەگرافيالىق شىندىقتى جەتكىزۋ - كەز كەلگەن مەملەكەتتىڭ مىندەتى.
«توپونيميكا سالاسى، ياعني گەوگرافيالىق وبەكتىلەردىڭ اتاۋى ەرەكشە كوڭىل ءبولۋدى تالاپ ەتەدى. بۇگىنگى جاعدايدا بىرنەشە عاسىر بۇرىن بەرىلگەن ورىسشا اتاۋلار الەم كارتاسىنان ىسىرىلىپ جاتىر. اسىرەسە، بۇل جاعداي انتاركتيدادا بايقالادى. كونتينەنتتى اشقان لازاريەۆ پەن بەللينسگاۋزەندەر بەرگەن اتاۋلار قولدانىستان شىعىپ قالعان»،-دەدى رەسەي پرەزيدەنتى.
