ماۋسىم ايىندا قازاقستان مەن جۇڭگو باسشىلارى كەزدەسەدى. بۇل تۋرالى بۇگىن جۇڭگو حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى چجان حانxۋەي مالىمدەدى.

"بيىل ءبىز ءبىرقاتار ماڭىزدى وقيعالارعا كۋا بولامىز. مەنىڭشە، ەڭ باستى وقيعا، ول - ەكى پرەزيدەنتىمىزدىڭ قىتايداعى كەزدەسۋى. اتالعان كەزدەسۋ ماۋسىم ايىندا بولادى. بۇدان بولەك، قازاقستان باسشىلىعىنىڭ باسقا دا وكىلدەرىن كۇتىپ وتىرمىز. ولاردىڭ ىشىندە پرەمەر-مينيتسر باقىتجان ساعىنتايەۆ مىرزا، ونىڭ ورىنباسارى اسقار مامين دا بار. بۇنىڭ بارلىعى قازاقستان مەن جۇڭگو اراسىنداعى تىعىز قارىم-قاتىناستىڭ جوعارى دارەجەدە ەكەنىن كورسەتسە كەرەك"، - دەپ كەلتىردى قازاقپارات چ.حانxۋەيدىڭ ايتقانىن.

ەلشىنىڭ ايتۋىنشا، ەكى ەلدىڭ "ءبىر جول، ءبىر بەلدەۋ" باستاماسى اياسىنداعى ىنتىماقتاستىعى، سونداي-اق، "نۇرلى جول" مەملەكەتتىك باعدارلاماسىن اتالعان باستامامەن شەبەر ۇندەستىرە ءبىلۋدىڭ ارقاسىندا ءبىراز جەتىستىكتەرگە جەتۋگە بولادى.

"قازاقستان مەن قىتايدىڭ ىنتىماقتاستىعى وسى ەكى ەلگە عانا ەمەس، جالپى ايماقتاعى ءوزارا ارىپتەستىك پەن قاۋىپسىزدىكتىڭ دامۋىنا وڭ ىقپالىن تيگىزە الادى. حالىقتاردىڭ ءال-اۋقاتى ارتادى"، - دەپ اتاپ كورسەتتى چ.حانxۋەي.

نازاربايەۆ 6-10 ماۋسىم كۇندەرى قىتايدىڭ سينداو قالاسىندا وتەتىن شانحاي ىنتىماقتاستىق ۇيىمى (شىۇ) مەملەكەت باسشىلارىنىڭ كەزەكتى كەزدەسۋىنە قاتىسادى. كەزدەسۋگە رەسەي پرەزيدەنتى ۆلاديمير پۋتين، قىرعىزستان پرەزيدەنتى سوورونباي جەەنبەكوۆ دە قاتىسادى دەپ جوسپارلانعان.

لۋ كانگتىڭ ايتۋىنشا، يران پرەزيدەنتى حاسسان روۋحاني جيىنعا باقىلاۋشى رەتىندە قاتىسادى.

ساپار اياسىندا ەل ەرتەڭى ءۇشىن ماڭىزى زور كەلىسسوزدەر جۇرگىزىپ، قۇندى قۇجاتتارعا قول قويادى دەپ جوسپارلانعان. جالپى، شيڭداو سامميتىندە ۇزىن-ىرعاسى 60-قا جۋىق شارا وتپەك. ولاردىڭ ىشىنەن تۇڭعىش رەت وتكەلى وتىرعان ىسكەر ايەلدەر فورۋمى مەن ب ا ق وكىلدەرىنىڭ فورۋمىن ەرەكشە اتاۋعا تۇرادى. 

شىۇ 2001 جىلى شانحايدا قازاقستان، قىرعىزستان، جۇڭگو، رەسەي جانە تاجىكستاننىڭ باستاماسىمەن قۇرىلعان. 2017 جىلى ماۋسىمدا استانادا وتكەن شىۇ سامميتىندە ۇيىمعا ءۇندىستان مەن پاكىستان قوسىلعان. يران دا ۇيىمعا تۇراقتى مۇشە بولىپ قوسىلۋعا نيەتتى.

شانحاي ىنتىماقتاستىق ۇيىمى ەلدەرى باسشىلارىنىڭ سوڭعى سامميتى وتكەن جىلى "EXPO" كورمەسىنىڭ اشىلۋىنا وراي استانادا 8-9 ماۋسىم كۇندەرى وتكەن بولاتى.