قازاقستاندىق بال وندىرۋشىلەر جۇڭگو نارىعىنا كىرەدى. وسى ماقساتتا ازىق-تۇلىك قاۋىپسىزدىگىن باقىلاۋ جانە بال وندىرەتىن قازاقستاندىق كاسىپورىندارعا تەكسەرۋ جۇرگىزۋ ءۇشىن قىتايلىق ساراپشىلاردىڭ ينسپەكسيالىق توبى قازاقستان رەسپۋبليكاسىنا كەلدى، دەپ حابارلايدى Qamshy.kz اقپارات اگەنتتىگى ق ر اشم باسپا ءسوز قىزمەتىنە سىلتەمە جاساي وتىرىپ.

ق ر اۋىل شارۋاشىلىعى مينيسترلىگىنىڭ قولداۋىمەن ساراپشىلار الماتى، شىعىس قازاقستان، باتىس قازاقستان، وڭتۇستىك قازاقستان وبلىستارىنداعى ءبىرقاتار بال ونىمدەرىن وندىرەتىن كاسىپورىنداردى تەكسەرەدى. وسى ينسپەكسيانىڭ قورىتىندىسى بويىنشا قازاقستاندىق بالدى جۇڭگو نارىعىنا شىعارۋ تۋرالى شەشىم قابىلدانادى.

2018 جىلدىڭ 5 مامىرىندا دەلەگاسيا الماتى وبلىسىنىڭ الاكول اۋدانىنداعى كاسىپورىنداردى تەكسەرۋدى باستايدى. جوڭعار-الاتاۋ ۇلتتىق پاركىندە ورنالاسقان «لەپسى-ونىمى» كاسىپورنىنا تەكسەرۋ جۇرگىزىلدى. كاسىپورىن زاكىرلى ءوندىرىس ۇلگىسى بولىپ تابىلادى، سەبەبى ولار ءوز ومارتالارىنان باسقا، جەرگىلىكتى ومارتاشىلاردان دا بال الىپ، ءونىمنىڭ بىرتەكتەس ءدامى مەن حوش ءيىسىن انىقتايدى.

ينسپەكسيالىق توپتىڭ قازاقستان رەسپۋبليكاسى اۋماعىنا شاقىرىلۋى – ەلباسىنىڭ وتاندىق اۋىل شارۋاشىلىعى تاۋار وندىرۋشىلەرىنىڭ ەكسپورتتىق الەۋەتىن ارتتىرۋ، ءبىرىنشى كەزەكتە اگروونەركاسىپتىك كەشەندەگى ەڭبەك ونىمدىلىگىن جانە ەكسپورتتىق وڭدەلگەن اۋىل شارۋاشىلىعى ونىمدەرىن 2،5 ەسە ارتتىرۋ كەرەك دەپ قويعان تاپسىرماسىن جۇزەگە اسىرۋدىڭ بىردەن-بىر جولى بولىپ تابىلادى.

سونداي-اق، جۇمىس بارىسىندا اۋىل شارۋاشىلىعى مينيسترلىگىنىڭ وكىلدەرى ينسپەكسيالىق توپتىڭ ساراپشىلارىنا جانە بۇقارالىق اقپارات قۇرالدارىنىڭ وكىلدەرىنە رەسپۋبليكامىزداعى ەڭ ءىرى اسىل تۇقىمدى «انگۋس» جانە «گەرەفورد» رەپرودۋكتورلارىن، الاكول اۋدانىندا ورنالاسقان ەت كومبيناتتارىمەن بىرگە بورداقىلاۋ الاڭدارىن جانە بەكىرە تۇقىمداس بالىق فەرماسىنىڭ جۇمىستارىمەن تانىستىردى.

ينسپەكسيالىق توپتىڭ وڭ قورىتىندىسى وتاندىق تاۋار وندىرۋشىلەر ءۇشىن دامۋدىڭ پەرسپەكتيۆالىق باعىتتارىن اشىپ، ءونىمنىڭ كولەمىن ۇلعايتۋعا، تەحنيكالىق جانە ەكونوميكالىق الەۋەتتى ارتتىرۋعا مۇمكىندىك بەرەدى