بۇگىن ەلىمىزدە جەڭىستىڭ 73 جىلدىعى تويلانىپ جاتىر. وسى اتاۋلى مەرەكەگە وراي قازاقستاننىڭ ءار ايماعىندا مايدان شەبىندە وتان قورعاعان ارداگەرلەردىڭ قاتىسۋىمەن ماڭگىلىك الاۋعا گۇل قويۋ راسىمدەرى، ءتۇرلى مەرەكەلىك شارالار ءوتىپ جاتىر.

1939 جىلدىڭ 1 قىركۇيەگىندە پولشا مەملەكەتىنە شابۋىل جاساعان فاشيستىك گەرمانيا اسكەرى 1941 جىلدىڭ 22 ماۋسىمىندا كسرو شەكاراسىنا سوققى جاسادى. دۇنيەجۇزى حالقىنىڭ 80 % -ى قاتىسقان قاندى قىرعىنعا قازاقستاننان 2 ميلليونعا جۋىق ادام قاتىسقان. شامامەن 500-گە جۋىق قازاقستاندىق كەڭەس وداعىنىڭ باتىرلارى اتاندى. ال، 630 مىڭ ادام ءىس-تۇسسىز جوعالىپ، قايتىپ ورالعان. رەسمي دەرەكتەرگە سۇيەنسەك ءقازىر ەلىمىزدە 2067 سوعىس ارداگەرى بار.

ايتا كەتەرلىك ءجايت، ەڭبەك جانە حالىقتى الەۋمەتتىك قورعاۋ مينيسترلىگىنىڭ بەرگەن اقپاراتىنا سايكەس جەڭىس كۇنى قارساڭىندا سوعىس ارداگەرلەرىنە، مۇگەدەكتەر مەن وعان تەڭەستىرىلگەن تۇلعالارعا 2،7 ميلليارد تەڭگە كولەمىندە ءبىر جولعى اقشالاي تولەمدەر قاراستىرىلعان.