دەمالىس كۇندەرى نايزاعاي مەن جاڭبىر كۇتىلەدى، دەپ حابارلايدى Qamshy.kz اقپارات اگەنتتىگى قازگيدرومەت رمك رەسمي سايتىنا سىلتەمە جاساپ.
"مامىرداعى شۋاقتى جانە جىلى كۇندەر زاماتتا جاۋىن-شاشىندى جانە سۋىق كۇندەرگە اۋىسادى. الداعى دەمالىس كۇندەرى قازاقستاننىڭ كوپتەگەن وبلىستارىندا اتموسفەرالىق فرونتتاردىڭ وتۋىنە بايلانىستى جاڭبىرلى، نايزاعايلى، بۇلتتى اۋا-رايى كۇتىلەدى"، - دەلىنگەن حابارلامادا.
سينوپتيكتەردىڭ مالىمەتىنشە، رەسپۋبليكانىڭ وڭتۇستىگى مەن وڭتۇستىك-شىعىسىندا ىستىق اۋا-رايىنان كەيىن، سونداي-اق جاڭبىر، كەي جەرلەردە كۇشتى ەكپىندى جەل سوعىپ، نايزاعاي كۇتىلەدى. اۋا تەمپەراتۋراسى تومەندەيدى، ءبىراق كليماتتىق نورما شەگىندە بولادى، ال سولتۇستىك، ورتالىق جانە شىعىس وبلىستاردىڭ كەي جەرلەرىندە 2 گرادۋسقا دەيىن قاتقاق ساقتالادى.
