يتاليادا 20-دان استام ءىرى يتالياندىق كومپانيالار جانە مەملەكەتتىك ورگاندار باسشىلارىمەن كەزدەسۋ بارىسىندا «Kazakh Invest» وكىلدەرى قازاقستاننىڭ ينۆەستيسيالىق مۇمكىنشىلىكتەرىمەن تانىستىردى. يتالياندىق كومپانيالار اپك، ەنەرگەتيكا جانە قاتتى تۇرمىستىق قالدىقتاردى قايتا وڭدەۋ سالاسىنداعى بىرلەسكەن جوبالاردى جۇزەگە اسىرۋعا قىزىعۋشىلىقتارىن ءبىلدىردى.
كەزدەسۋ كەزىندە «Bonifiche Ferraresi» كومپانياسىمەن قوستاناي وبلىسىندا ماكارون ونىمدەرىن شىعاراتىن زاۋىتتىڭ قۇرىلىسىن سالۋ ماسەلەسى تالقىلاندى. اتالمىش ءونىم يتالياندىق تەحنولوگيالار نەگىزىندە جەرگىلىكتى شيكىزاتتان وندىرىلەدى جانە نەگىزىنەن ەكسپورتقا بەيىمدەلەتىن بولادى دەپ جوسپارلانىپ وتىر.
اپك-دا ىنتىماقتاسا جۇمىس ىستەۋ ماسەلەلەرى سونداي-اق، يتاليانىڭ تاعام جابدىقتارىن ءوندىرۋ قاۋىمداستىعىنىڭ پرەزيدەنتى ماريو گەلاتيمەن جانە ايماقتىڭ كوممەرسيالىق پالاتاسىنىڭ وكىلى توسكان نادي كريۆەلليمەن كەزدەسۋ بارىسىندا دا قاراستىرىلدى.
بۇدان وزگە، ميلاننىڭ كاسىپكەرلەر پالاتاسى جەمىس-كوكونىستى ونىمدەردى وندىرۋگە ارنالعان جىلىجايلاردىڭ قۇرىلىسىن سالۋ جونىندەگى جوبالاردى جۇزەگە اسىرۋعا قىزىعۋشىلىق تانىتتى.
لومبارديا ايماعىنىڭ (ميلان) اۋىل شارۋاشىلىعى مينيسترلىگىنىڭ باسشىلىعىمەن كەزدەسۋ كەزىندە «Kazakh Invest» تاراپىنان قازاقستاننىڭ ينۆەستيسيالىق مۇمكىندىكتەرى تانىستىرىلدى جانە ءسۇت پەن جەمىس-كوكونىستى ونىمدەردى وڭدەۋ جونىندەگى جوبالاردى قاراستىرۋ تۋرالى كەلىسىمدەرگە قول جەتكىزىلدى.
«Kazakh Invest» دەلەگاسياسى سونداي-اق ليگۋريا ايماعىنداعى بۋ-گازدى تۋربينالار ءوندىرۋ زاۋىتىنا جانە لومبارديا ايماعىنداعى تۇرمىستىق قالدىقتاردى قايتا وڭدەۋ زاۋىتىنا باردى. وسى كومپانيالارمەن كەزدەسۋلەر بارىسىندا جاڭا ەنەرگيا-تۇرلەندىرگىش قۋاتتىلىقتاردى جانە قازاقستاندا قوقىس وڭدەۋدى جەتىلدىرۋ جانە قۇرۋ جونىندەگى ءبىرقاتار جوبالار تالقىلاندى.
ميلاندا يتالياندىق «ENI» كومپانياسىمەن كەزدەسۋ وتكىزىلدى، ونىڭ بارىسىندا اقتوبە وبلىسىندا قۋاتتىلىعى 50 مۆ جەل ەلەكتر ستانسياسىنىڭ قۇرىلىسىن سالۋ جوباسىن جۇزەگە اسىرۋ تالقىلاندى.
«Kazakh Invest» تاراپىنان يتالياندىق كومپانيالاردىڭ، يتاليانىڭ SACE مەملەكەتتىك ەكسپورتتىق-كرەديتتىك اگەنتتىگىنىڭ جانە CDP يتالياندىق مەملەكەتتىك قارىز بەرۋشىنىڭ قاتىسۋىمەن جوبالاردى قارجىلاندىرۋ شارتتارى قوسىمشا پىسىقتالاتىندىعىن اتاپ وتكەن ءجون.
