الماتى وبلىسىنىڭ شارۋالارى بيىلدان باستاپ كورشىلەس جۇڭگو حالىق رەسپۋبليكاسى مەن يرانعا ەت ەكسپورتتاي باستايدى دەپ حابارلايدى.

الاكول اۋدانىنداعى مال شارۋاشىلىقتارىنىڭ ءبىرى ەتتى باعىتتاعى ابەردين انگۋس پەن گەرەفورد تۇقىمدى سيىرلاردى وسىرۋمەن اينالىسادى. ونداعى ءىرى قارا سانى 15 مىڭ باسقا جەتتى. الداعى ۋاقىتتا مال بورداقىلاۋ الاڭى مەن ەت كومبيناتى سالىنادى. مۇنداي وندىرىستىك سيكل ءوز كەزەگىندە شەتەلدەرگە تۇراقتى تۇردە ەت ەكسپورتتاۋعا مۇمكىندىك بەرەدى. جوڭعار الاتاۋىنىڭ باۋرايىندا ورنالاسقان بۇل شارۋاشىلىققا بەس جىل بۇرىن اۆستراليادان 5 مىڭ باس زەڭگى بابا ءتولى اكەلىنگەن ەدى. ابەردين-انگۋس پەن گەرەفورد تۇقىمدى سيىرلاردىڭ سانى بۇگىندە 15 مىڭعا جەتكەن. بۇزاۋلارى ىستىق پەن سۋىققا شىدامدى كەلەدى. «ءبىز مالدى قامامايمىز، اشىق الاڭدا تۇرادى. 50 مىڭ گەكتار جايىلىمدىق جەرگە كۇن كوزىنەن قۋات الاتىن قورشاۋلار ورناتىلعان. ەلەكترلەنگەن قورشاۋ مالشىنىڭ جۇمىسىن اتقارادى ءارى سيىرلاردى ءتۇرلى اۋرۋلاردان قورعايدى»، – دەيدى كاسىپورىن باسشىلارى.