الماتىداعى ۇلكەن الماتى وزەنى قىزىل تۇسكە بويالدى دەپ حابارلايدى Qamshy.kz اقپارات اگەنتتىگى.
ۇلكەن الماتى وزەنىنىڭ سۋى قىزىل تۇسكە بويالعانى انىق كورىنەتىن ۆيدەو الەۋمەتتىك جەلىدە تارالدى.
ۆيدەولاردى تۇسىرگەن الماتى تۇرعىندارىنىڭ ايتۋىنشا، بۇل جاعداي كەشە ساعات 19:30-دا بولعان.
"ءاۋ باستا سۋعا كۇن شاعىلىسىپ تۇر ەكەن دەپ قالدىق. ۇلىم دالاعا سۋدى كورۋ ءۇشىن شىقتى. انىقتاپ قاراعاندا سۋدىڭ ءتۇسى قىزعىلت ەكەنىن بايقادىق"،-دەيدى وزەن بويىندا تۇراتىن قالا تۇرعىندارىنىڭ ءبىرى.
ونىڭ ايتۋىنشا، سۋدى ۆيدەوعا ءتۇسىرۋ كەزىندە ەشقانداي بوتەن ءيىس سەزىلمەگەن. قازىرگى ۋاقىتتا توتەنشە جاعداي ماماندارى بۇل ماسەلەنىڭ سەبەپتەرىن انىقتاپ جاتىر.
