ۋكراينادا لەنيننىڭ 1500-عا جۋىق ەسكەرتكىشى الىنىپ، مىڭنان اسا ەلدى مەكەننىڭ اتاۋى وزگەردى. بۇل تۋرالى ۋكراينا پرەزيدەنتى پەتر پوروشەنكو ساياسي رەپرەسسيا قۇرباندارىن ەسكە الۋعا ارنالعان ءراسىم بارىسىندا مالىمدەدى.

«2013 جىلدىڭ اياعىندا ۋكراينا كارتاسى وقۋلىقتاردا سوۆەت وداعى كوممۋنيستىك پارتياسىنىڭ تاريحىنا مىسال رەتىندە عانا بەرىلىپ ءجۇردى. ءبىزدىڭ ەلدى مەكەندەرىمىز لەنين مەن ونىڭ جاقتاستارىنىڭ مازارىنا اينالعانداي ەدى. قازىرگى ۋاقىتتا 52 مىڭ كوشە مەن مىڭعا جۋىق ەلدى مەكەننىڭ اتاۋى وزگەردى. لەنيننىڭ مىڭنان اسا ەسكەرتكىشى الىندى»، - دەپ حابارلادى ۋكراينا پرەزيدەنتى.

پوروشەنكونىڭ ايتۋىنشا، مۇنداي شەشىم «كوممۋنيستىك جانە ۇلتتىق-سوسياليستىك توتاليتارلىق رەجيمدەردى ايىپتاۋ تۋرالى» زاڭناما اياسىندا جۇزەگە اسقان.

بىكيۆنيا ورمانى – ۋكراين، پولياك جانە وزگە دە ۇلتتاردىڭ رەپرەسسي قۇرباندارىن ەسكە الۋ راسىمدەرىن ورىندايتىن ورتاق ورنى. «ءستاليننىڭ بۇيرىعىمەن اتىلعان مىڭنان اسا ۇلت وكىلدەرىنىڭ زيراتتارىنا باسىمىزدى ءيىپ، گۇل شوقتارىن قويا وتىرىپ، «ءبىز، ۋكرايندىقتار، توتاليتارلىق رەجىم بارىسىندا زارداپ شەككەن حالىقتارمەن ىنتىماقتاستىعىمىز بەرىك ەكەنىن مالىمدەيمىز»، - دەدى پوروشەنكو.

شاراعا قاتىسۋشىلار ساياسي رەپرەسسيا قۇرباندارىن 1 مينۋتتىق ۇنسىزدىكپەن ەسكە الدى. پەتر پوروشەنكو مەن ونىڭ جارى مارينا پوروشەنكو باۋىرلار زيراتى مەن ورتالىق مەموريالدى ەسكەرتكىشىنە، سونىمەن قاتار مەموريالدىڭ پولياك بولىگىنە گۇل شوقتارىن قويدى.