جەلىدە استاناداعى ورتالىق ساۋدا ورنىندا ەسكالاتوردا قولى قىسىلىپ قالعان 2 جاستاعى قىزدىڭ ۆيدەوسى جاريالاندى، دەپ حابارلايدى Qamshy.kz اقپارات اگەنتتىگى.
اناسى مەن قىزى ەسكالاتورمەن ءتۇسىپ كەلە جاتقاندا قىزدىڭ قولى ەسكالاتورعا قىسىلىپ قالعان. ءبىر توپ ازامات ەسكالاتور ءجۇرىپ كەتپەۋى ءۇشىن ونى ۇستاپ تۇر. ۆيدەودان ەر ادامداردىڭ قىزدى ەسكالاتوردان شىعارۋعا ارەكەتتەنىپ جاتقانىن كورۋگە بولادى.
ۆيدەونى ءتۇسىرىپ تۇرعان ايەل ساۋدا ورتالىعىنداعى ەر ادامداردى كومەكتەسۋگە شاقىرىپ، جىلاپ تۇر.
استانا قالاسى اكىمدىگىنىڭ باسپا ءسوز قىزمەتىنىڭ تاراتقان مالىمەتىنە سايكەس، وقيعا 22 مامىردا بولدى. ەسكالاتورداعى اپاتتى جاعدايدىڭ سالدارىنان 2 جاستاعى قىز زارداپ شەكتى. جەدەل جاردەم شاقىرتىلىپ، قىز استانداعى №2 بالالار اۋرۋحاناسىنا جەتكىزىلدى.
وعان حيرۋرگيالىق كومەك كورسەتىلدى. استانا قالاسى اكىمدىگى تاراتقان مالىمەتكە سايكەس، ءقازىر قىزدىڭ جاعدايى قالىپتى.
ينتەرنەتتە تاراعان ۆيدەونى جەلى قولدانۋشىلارى قىزۋ تالقىلاپ جاتىر. ولاردىڭ ءبىرى مۇنداي اپاتتى جاعدايدىڭ ورناۋىنا استانا قالاسى اكىمدىگىن ايىپتاسا، ەندى ءبىرى قازاقستان بويىنشا ليفت، ەسكالاتوردى ءجىتى تەكسەرۋدەن وتكىزۋىن تالاپ ەتىپ وتىر.
