مامانداردىڭ الدىن الا بولجامىنا سايكەس، سەمەي ماڭىنداعى ورماننان شىققان ءورت ادامنىڭ كەسىرىنەن بولۋى مۇمكىن. 

ورماننان شىققان ءىرى ءورت 350 گەكتار جەردى جالمادى.

ءورت سوندىرۋگە 300 مامان جۇمىلدىرىلعان. كەشە قۇتقارۋشىلار ورتەنىپ جاتقان القاپقا تىكۇشاقپەن 25 توننا سۋ سەپكەن. تاۋلىك بويى كەزەكپەن جۇمىس ىستەگەن ءورت سوندىرۋشىلەر كەشكى ساعات 19.50-دە ءورتتى اۋىزدىقتادى.

ءورتتىڭ سەبەبىن ماماندار ادامي فاكتوردىڭ اسەرىنەن بولعان دەپ بولجايدى.

«مۇنىڭ ادامنىڭ كەسىرىنەن بولعانى ءسوزسىز. سەبەبى كۇن ەندى عانا جىلىنىپ كەلە جاتقاندا ءورت شىعۋى مۇمكىن ەمەس. نەگىزىنەن ءورت نايزاعايدىڭ كەسىرىنەن بولادى، ال مۇندا تەمەكىدەن نەمەسە ادەيى جاسالعان بولۋى مۇمكىن»، - دەدى «سەمەي ورمانى» مەملەكەتتىك ورمان تابيعي رەزەرۆاتىنىڭ باس ديرەكتورى مۇرات داۋلەتوۆ.

ارنايى ساراپتامادان سوڭ ءورتتىڭ شىعۋ سەبەبى انىقتالادى. ال جىل باستالعالى ورمان رەزەرۆاتىندا ءورت ءبىرىنشى رەت بولىپ وتىر.