استانا پوليسياسى ساۋدا ۇيىندەگى ەسكالاتوردا قولى قىسىلىپ قالعان قىزعا قاتىستى ءمان-جايدى ءتۇسىندىرىپ بەردى.

«قىزدىڭ اجەسىنىڭ ايتۋىنشا، ەسكالاتورمەن تومەن تۇسەردە قىز اجەسىنىڭ قولىن جىبەرە سالىپ، ءوزى تومەن قاراي ءجۇرىپ كەتكەن. ءتۇسىپ بارا جاتقان ۋاقىتتا قىزدىڭ قولى قىسىلىپ قالعان. قالالىق بالالار اۋرۋحاناسىنىڭ انىقتاماسىنا سايكەس، قىزدىڭ سول قولىنىڭ ورتاڭعى ساۋساعى سىنعان»، - دەدى ءىىد وكىلى.

اتالمىش وقيعاعا بايلانىستى قك-نىڭ 306 بابىنىڭ 1 ءبولىمى («قاۋىپسىزدىك تالاپتارىن قاناعاتتاندىرمايتىن قىزمەتتەردى كورسەتۋ») بويىنشا سوتقا دەيىنگى تەرگەۋ شارالارى باستالدى.

سونىمەن قاتار، پوليسيا ەسكالاتورمەن ءجۇرۋ بارىسىندا تومەندەگى ەرەجەلەردى قاتاڭ ساقتاۋعا كەڭەس بەرەدى:

-بالالاردىڭ قولىن جىبەرمەۋ ءارى قاراۋسىز قالدىرماۋ كەرەك؛

-قوزعالىستىڭ باعىتىنا قاراي قاراپ تۇرۋىڭىز كەرەك، كەرى قاراپ كوتەرىلمەڭىز نە تۇسپەڭىز؛

-قوزعالىپ بارا جاتقان ەسكالاتوردا جۇگىرمەڭىز، ەسكالاتورعا سۇيەنبەڭىز، شەكتەۋ سىزىعانان ءوتىپ كەتپەڭىز.

ەسكە سالا كەتەيىك، جەلىدە استاناداعى ورتالىق ساۋدا ورنىندا ەسكالاتوردا قولى قىسىلىپ قالعان 2 جاستاعى قىزدىڭ ۆيدەوسى جاريالانعان.