قازاقستان پرەزيدەنتى نۇرسۇلتان نازاربايەۆ 6 ماۋسىمدا قىتايعا مەملەكەتتىك ساپارمەن بارادى دەپ حابارلادى جۇڭگو سىرتقى ىستەر مينيسترلىگىنىڭ رەسمي وكىلى لۋ كانگ.

ازاتتىقتىڭ دەرەگىنە سۇيەنسەك، نازاربايەۆ 6-10 ماۋسىم كۇندەرى قىتايدىڭ سينداو قالاسىندا وتەتىن شانحاي ىنتىماقتاستىق ۇيىمى (شىۇ) مەملەكەت باسشىلارىنىڭ كەزەكتى كەزدەسۋىنە قاتىسادى. كەزدەسۋگە رەسەي پرەزيدەنتى ۆلاديمير پۋتين، قىرعىزستان پرەزيدەنتى سوورونباي جەەنبەكوۆ دە قاتىسادى دەپ جوسپارلانعان.

لۋ كانگتىڭ ايتۋىنشا، يران پرەزيدەنتى حاسسان روۋحاني جيىنعا باقىلاۋشى رەتىندە قاتىسادى.

شىۇ 2001 جىلى شانحايدا قازاقستان، قىرعىزستان، جۇڭگو، رەسەي جانە تاجىكستاننىڭ باستاماسىمەن قۇرىلعان. 2017 جىلى ماۋسىمدا استانادا وتكەن شىۇ سامميتىندە ۇيىمعا ءۇندىستان مەن پاكىستان قوسىلعان. يران دا ۇيىمعا تۇراقتى مۇشە بولىپ قوسىلۋعا نيەتتى.