مەملەكەت باسشىسىنىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا اگروونەركاسىپتىك كەشەن الدىندا ەڭبەك ونىمدىلىگىن تۇبەگەيلى ۇلعايتۋ جانە قايتا وڭدەلگەن اۋىل شارۋاشىلىعى ءونىمى ەكسپورتىنىڭ ءوسىمىن          5 جىل ىشىندە كەمىندە 2،5 ەسەگە ارتتىرۋ مىندەتى قويىلدى.

بۇل مىندەتتى شەشۋ سالانى دامىتۋدا مۇلدە جاڭا كوزقاراستى تالاپ ەتەدى. جوعارىدا اتالعان مىندەتتەردى ەسكەرە وتىرىپ، قازاقستان رەسپۋبليكاسى اۋىل شارۋاشىلىعى مينيسترلىگى اگروبيزنەس جانە  ۇكىمەتتىك ەمەس ۇيىمداردىڭ وكىلدەرىن تارتا وتىرىپ، 2017-2021 جىلدارعا ارنالعان قازاقستان رەسپۋبليكاسى اگروونەركاسىپتىك كەشەنىن دامىتۋدىڭ مەملەكەتتىك باعدارلاماسىنا تۇزەتۋلەر ەنگىزۋ بويىنشا جۇمىس جۇرگىزدى.

وسى ماسەلەنىڭ وزەكتىلىگىن ەسكەرە وتىرىپ، بۇگىن قازاقستان رەسپۋبليكاسى پارلامەنتى ماجىلىسىندە اگروونەركاسىپ كەشەنىنىڭ مەملەكەتتىك باعدارلاماسىنا وزگەرىستەر مەن تولىقتىرۋلار ەنگىزۋ تۋرالى ۇكىمەتتىك ساعات وتكىزىلدى.

باعدارلامانىڭ ءتۇيىندى كورسەتكىشتەرى مەن ءىس-شارالارى نەگىزىندە، جوبالىق باسقارۋ ستاندارتتارىنا سايكەس اگروونەركاسىپتىك كەشەننىڭ نەگىزگى باعىتتارىبويىنشا ۇزاق مەرزىمدى سالالىق باعدارلامالار ازىرلەندى، ولاردى ىسكە اسىرۋ مەرزىمى 10 جانە ودان دا كوپ جىلدى قۇرايدى.

ەتتى مال شارۋاشىلىعىن دامىتۋ باعدارلاماسىنىڭ نەگىزىنە وتباسىلىق فەرمالار تۇرىندەگى شاعىن شارۋاشىلىقتار الىنادى جانە ول ءىرى قارا مال ءوسىرۋ جونىندەگى فەرمەرلىك شارۋاشىلىقتاردان، ونەركاسىپتىك بورداقىلاۋ الاڭدارىنان جانە زاماناۋي ەت وڭدەۋ كەشەندەرىنەن تۇراتىن زاكىرلىك كووپەراسيا نىسانىندا جاسالادى. ءىرى قارا مال شارۋاشىلىعىمەن، قوي شارۋاشىلىعىمەن جانە جىلقى شارۋاشىلىعىمەن ايلانىساتىن 80 مىڭنان استام وتباسىلىق فەرما قۇرۋ، پايدالانىلاتىن جايىلىمدار الاڭىن 58 ملن. گەكتاردان 100 ملن. گەكتارعا كەڭەيتۋ، ءىرى قارا مال سانىن 15 ملن. باسقا دەيىن، قوي سانىن 30 ملن. باسقا دەيىن ۇلعايتۋ كوزدەلىپ وتىر.

جوباعا قاتىسۋشىلار ءۇشىن قولداۋدىڭ جەكە شارتتارى كوزدەلەتىن بولادى، ولار: جەر ۋچاسكەلەرىن باسىمدىلىقپەن بەرۋ، فەرمەرلىك شارۋاشىلىقتارعا مال باسىن، تەحنيكا مەن جابدىق ساتىپ الۋعا جەڭىلدىكپەن نەسيە بەرۋ، جايىلىمدار ينفراقۇرىلىمىن قۇرۋ.

ءسۇتتى مال شارۋاشىلىعى باعدارلاماسى دا ءسۇت ءوندىرۋ جونىندەگى وتباسىلىق فەرمالاردان، ونەركاسىپتىك ءسۇت-تاۋارلى فەرمالاردان جانە زاماناۋي ءسۇت زاۋىتتارىنان تۇراتىن زاكىرلىك كووپەراسيا قاعيداتى بويىنشا جاسالادى. 2027 جىلعا قاراي وتباسىلىق فەرمالاردىڭ سانىن 380-نەن 930-عا دەيىن، ءىرى ءسۇت- تاۋارلى فەرمالاردىڭ سانىن 108-دەن 170-گە دەيىن، ءسۇت زاۋىتتارىنىڭ سانىن 163-تەن 174-كە دەيىن جەتكىزۋ جوسپارلانىپ وتىر. جوباعا قاتىسۋشىلار ءۇشىن قولداۋدىڭ جەكەلەگەن شارالارى ۇسىنىلاتىن بولادى. ناتيجەسىندە ءسۇت ءوندىرىسىنىڭ كولەمىن 2027 جىلعا قاراي 1 ملن. تونناعا ۇلعايتۋ مىندەتى قويىلىپ وتىر.

قۇس شارۋاشىلىعىن دامىتۋ باعدارلاماسى شەڭبەرىندە جاڭا كاسىپورىندار سالۋ، قولدانىستاعىلارىن رەكونسترۋكسيالاۋ جانە جاڭارتۋ، سونداي-اق ەت جانە جۇمىرتقا باعىتىنداعى قۇستاردىڭ ونىمدىلىگىن ارتتىرۋ كوزدەلەدى.

وسىمدىك شارۋاشىلىعىنداعى نەگىزگى ءىس-شارالار تىزبەسى: ساپالى تۇقىمداردىڭ بولۋى، تەحنيكالىق جاراقتاۋ، ناقتى ەگىنشىلىك، تىڭايتقىشتار مەن وسىمدىكتەردى قورعاۋ قۇرالدارىن قولدانۋ، ءارتاراپتاندىرۋ، سۋارمالى جەرلەردى اينالىمعا ەنگىزۋ.

جالپى مەملەكەتتىك باعدارلامادا 10 مىندەتتى ورىنداۋ كوزدەلگەن. بۇل - ازىق-تۇلىك قاۋىپسىزدىگىن قامتاماسىز ەتۋ، قارجىلاندىرۋدىڭ قولجەتىمدىلىگى، ءتيىمدى سالىق سالۋ، جەر جانە سۋ رەسۋرستارىن ءتيىمدى پايدالانۋ، نارىقتارعا قول جەتكىزۋ جانە ەكسپورتتى دامىتۋ، اگرارلى عىلىم، تەحنيكالىق جابدىقتاۋ مەن ءوندىرىستى جانداندىرۋ، مەملەكەتتىك قىزمەت كورسەتۋ ساپاسى مەن سيفرلاندىرۋ، اۋىلدىق جەرلەردى دامىتۋ.

وسىلايشا، مەملەكەتتىك باعدارلاما اگروونەركاسىپتىك كەشەن سالالارىن دامىتۋدىڭ نەگىزگى شارتتارىن قامتاماسىز ەتەدى.

بۇل شارالار مەملەكەت باسشىسىنىڭ اگروونەركاسىپتىك كەشەن ءۇشىن قويىلعان مىندەتتەرىن ورىنداۋعا مۇمكىندىك بەرەدى.