رەسەي ومبۋدسمەنى قازاقستاندىق توميريس بايسافانىڭ ولىمىنە قاتىستى تەرگەۋ جۇمىستارىن باقىلاۋىنا الۋعا  ۋادە بەردى. بۇل تۋرالى قازاقستانداعى ادام قۇقىعى جونىندەگى ۋاكىلەتتى وكىل اسقار شاكىروۆ حابارلادى، دەپ جازادى tengrinews.kz.

«قايعىلى وقيعاعا بايلانىستى قىلمىستىق ءىس قوزعالدى. تەرگەۋ جۇمىستارىن ماسكەۋدىڭ تەرگەۋ ورگانى جۇرگىزىپ جاتىر. ءتوميريستىڭ اناسى ءبىزدىڭ وكىلمەن سويلەستى. ولاردىڭ ويىنشا، تەرگەۋ جۇمىستارى ءادىل ءجۇرىپ جاتقان جوق. ناقتى پروسەسسۋالدىق زاڭ بۇزۋشىلىقتار بولدى دەگەندى العا تارتىپ وتىر. ءتوميريستىڭ اتا-اناسىنىڭ ويىنشا تەكسەرۋ جۇمىستارى وبەكتيۆتى ءجۇرىپ جاتقان جوق. ونى جالعىز كۋاگەردەن تۇسىنىكتەمە العانىنان اڭعارۋعا بولادى»، - دەدى شاكىروۆ يۋنيسەف كونفەرەنسياسىندا.

قازاقستاندىق ومبۋدسمەن تەرگەۋ جۇمىسىنا ارالاسۋدى كوزدەمەيتىنىن ايتىپ ءوتتى.

«تەرگەۋ ءادىل ءجۇرۋ ءۇشىن ارىپتەسىمە ءوتىنىش ءبىلدىردىم. كەشە رەسەيلىك ومبۋدسمەن تاتيانا موسكالكوۆامەن  سويلەستىم. ول اتالمىش ءىستى ءوز باقىلاۋىنا الۋعا ۋادە بەردى»، - دەدى شاكىروۆ.

مارقۇمنىڭ اتا-اناسى – دارحان قوجابەرگەنوۆ پەن جاننا احمەتوۆا رەسەيلىك مامانداردان ادىلەتتى ءارى وبەكتيۆتى تەرگەۋدى تالاپ ەتىپ وتىر. رەسەيلىك تەرگەۋ ماماندارىنىڭ بولجامىنشا، قىز ءوز-وزىن ولتىرگەن. الايدا اتا-اناسى بۇل دەرەككە سەنۋدەن باس تارتتى.

ەستەرىڭىزگە سالا كەتەيىك، 2018 جىلدىڭ ءساۋىر ايىندا توميريس بايسافا ماسكەۋ مەملەكەتتىك حالىقارالىق قاتىناستار ينستيتۋتىنىڭ 4ء-شى قاباتىنداعى ءدارىسحانانىڭ تەرەزەسىنەن قۇلاپ كەتكەن.

1997 جىلعى توميريس تاڭعى 4.00-تە قايتىس بولدى. تەرگەۋشىلەر ساۋىردە  اتالمىش ىسكە قاتىستى قىلمىستىق ءىس قوزعاعان. تەرگەۋشىلەردىڭ مالىمەتىنشە، قىز بىردەن اۋرۋحاناعا جەتكىزىلگەن. قايعىلى وقيعا 13 ساۋىردە بولدى.

توميريس حالىقارالىق ەكونوميكالىق قاتىناستار كافەدراسىنىڭ 4ء-شى كۋرسىندا وقىعان. ول ءۇزىلىس كەزىندە تەرەزەدەن قۇلاپ كەتكەن. بەيرەسمي اقپاراتقا سايكەس، ونى يتەرىپ جىبەرگەن.