ق ر سىرتقى ىستەر ءمينيسترى قايرات ءابدىراحمانوۆ "شەكارانى زاڭسىز كەسىپ ءوتتى" دەگەن سايراگۇل ساۋىتبايدىڭ جاعدايىنان حابارسىز. بۇل تۋرالى مينيستر بۇگىن ۇكىمەت جيىنى بارىسىندا ايتتى. قىتايداعى ەتنيكالىق قازاقتاردىڭ ماسەلەسى تالقىلانىپ جاتقان جيىن بارىسىندا جۋرناليستەر سايراگۇل ساۋىتبايعا قاتىستى سۇراق قويدى. الايدا ءابدىراحمانوۆ بۇل جاعدايدى بۇعان دەيىن ەستىمەگەنىن ايتتى.

بۇگىن ۇكىمەت وتىرىسىنىڭ ۇزىلىسىندە قايرات ءابدىراحمانوۆ قىتايدا ۇستالعان ەتنيكالىق قازاقتاردىڭ بوساتىلعانىن مالىمدەدى. ءمينيستردىڭ سوزىنشە، 12 ەتنيكالىق قازاقتىڭ توعىزى بوساتىلعان. ءارى مينيسترلىكتە 170 ەتنيكالىق قازاق تۋرالى مالىمەت بار. ءابدىراحمانوۆ ولاردىڭ تاعدىرى ۇكمىەتتىڭ باقىلاۋىندا ەكەنىن دە جەتكىزدى.

ايتا كەتەيىك، 25 مامىردا الماتىلىق بەلسەندىلەر قازاقستانعا كەلىپ، قايتپاي قويعان، سول ءۇشىن دە قاماۋدا وتىرعان سايراگۇل ساۋىتبايعا مەملەكەتتىك جانە حالىقارالىق دەڭگەيدە اراشا سۇراۋ ءۇشىن ايەلدىڭ وتباسى مەن قوعام بەلسەندىلەرى باسپا ءسوز ءماسليحاتىن وتكىزگەن. باسپا ءسوز ءماسليحاتىنا قاتىسقان سايراگۇل ساۋىتبايدىڭ كۇيەۋى ءۋالي ءسىلام قازاقستان بيلىگى مەن قوعام بەلسەندىلەرىنەن ايەلىن قىتايعا قايتارماۋ تۋرالى سۇرادى. "سوتتالسا دا، قازاقستاندا سوتتالسىن"، - دەگەن ەدى ول.