قازاقستان رەسپۋبليكاسى ۇلتتىق بانك باسقارماسىنىڭ 2018 جىلعى 28 مامىرداعى № 89 قاۋلىسىمەن  «استانا بانكى» اق-تىڭ جەكە تۇلعالاردىڭ دەپوزيتتەرىن قابىلداۋعا، جەكە تۇلعالاردىڭ بانك شوتتارىن اشۋعا ليسەنزياسى توقتاتىلدى، دەپ حابارلايدى Qamshy.kz اقپارات اگەنتتىگى ۇلتتىق بانكتىڭ باسپا ءسوز قىزمەتىنە سىلتەمە جاساپ.

بۇل شەشىم بانكتىك زاڭناما تالاپتارىنىڭ بۇزۋشىلىعىنا قاداعالاۋشىلىق رەتتەۋ شەڭبەرىندە جانە «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسى زاڭىنىڭ 48-بابىنىڭ 1-تارماعى ۆ) تارماقشاسىندا كوزدەلگەن نەگىزدەر بويىنشا، تولەم جانە اۋدارىم وپەراسيالارى بويىنشا شارتتىق مىندەتتەمەلەردى ۇنەمى (قاتارىنان كۇنتىزبەلىك ون ەكى اي ىشىندە ءۇش جانە ودان كوپ رەت) تيىسىنشە ورىنداماۋى ءۇشىن قابىلداندى.

ليسەنزيا جاڭا دەپوزيتتەردى تارتۋعا جانە جەكە تۇلعالاردىڭ جاڭا بانك شوتتارىن اشۋعا قاتىستى توقتاتىلا تۇرادى جانە بانكتىڭ قولدانىستاعى دەپوزيتتەرى مەن كليەنتتەرىنە قىزمەت كورسەتۋگە قاتىسى جوق.

2018 جىلعى 1 مامىرداعى جاعداي بويىنشا بانك جەكە تۇلعالارىنىڭ قابىلدانعان دەپوزيتتەرىنىڭ كولەمى 53،0 ملرد. تەڭگەنى قۇرايدى. بانكتىڭ جەكە تۇلعالاردىڭ دەپوزيتتىك پورتفەلىنىڭ ۇلەسى بانك جۇيەسى بويىنشا جەكە تۇلعالاردىڭ دەپوزيتتەرىنىڭ جيىنتىق كولەمىنىڭ 0،6%-ىن قۇرايدى.