وزبەكستاندا كادەسىي رەتىندە ارال تەڭىزىنىڭ اۋاسى ساتىلادى.
بۇگىندە جەكە كاسىپكەرلەر ءتۇرلى ماگنيت، تارەلكە، اشەكەيلەر ساتۋ ارقىلى قوماقتى تابىس تاۋىپ وتىر. ال وزبەكستاندا «ارال تەڭىزىنىڭ اۋاسى» دەپ جازىلعان قۇتى دا كادەسىي رەتىندە ساتىلادى ەكەن.
قۇتىنىڭ بەتىندە الەمدەگى ءىرى تەڭىزدىڭ عارىشتان تۇسىرىلگەن سۋرەتى بەينەلەنگەن. اۋادان تابىس تابۋدى جەكە كاسىپكەر ايدوس ديوربەك ويلاپ تاپتى. ونىڭ ايتۋىنشا، قۇتىنى ساتىپ العان تۋريست اۋا عانا ەمەس، ارال تەڭىزىنەن جارقىن ەستەلىكتەردى دە وزىمەن الىپ كەتەدى.
اۋاعا تولى قۇتى كادەسىيى الەمنىڭ ءتۇرلى قالالارىندا ساتىلادى ەكەن. ماسەلەن، پاريج، بەرلين، ماسكەۋ جانە الماتى اۋالارىن ساتىپ الۋعا بولادى. تەل-اۆيۆ قالاسىندا ءتۇرلى ەلدىڭ اۋاسى بار حوش يىستەندىرگىش ساتىپ الۋعا بولادى. قۇتىنى اشقان ساتتە تەڭىزدىڭ نە وزگە قالانىڭ ءيىسى بولمەنى جايلايدى. ال يسلانديادا تەك اۋا ەمەس، جاڭبىر، سونىمەن قاتار تۇمان دا ساتالادى.
