31 مامىردا ق ر پارلامەنتىنىڭ سەناتى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كوممەرسيالىق ەمەس ۇيىمداردىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قابىلدادى.  

زاڭ جوباسىن دەپۋتتارعا ق ر ءدىن ىستەرى جانە ازاماتتىق قوعام ءمينيسترى دارحان كالەتايەۆ تانىستىردى.

جوبانىڭ نەگىزگى ماقساتى ۇكىمەتتىك ەمەس ۇيىمداردىڭ مەملەكەتتىك الەۋمەتتىك تاپسىرىس، گرانتتار مەن سىيلىقاقى سالاسىنداعى قىزمەتىن رەتتەيتىن زاڭنامانى جەتىلدىرۋ بولىپ تابىلادى.

زاڭ جوباسىنا ءبىرقاتار جاڭا تولىقتىرۋلار ەنگىزىلەدى. اتاپ ايتقاندا، مەملەكەتتىك الەۋمەتتىك تاپسىرىس اياسىندا ۇەۇ كورسەتىلەتىن قىزمەتتەردىڭ مازمۇنى، شارتتارى مەن ساپاسىنا قاتىستى ءبىرىڭعاي تالاپتاردى ەنگىزۋ ۇسىنىلىپ وتىر. سونىمەن قاتار، جوبا تيىمدىلىگىن جانە ۇەۇ قىزمەتى ساپاسىنا حالىقتىڭ قاناعاتتانۋ دارەجەسىن انىقتاۋ ءۇشىن مەملەكەتتىك الەۋمەتتىك تاپسىرىس ناتيجەسىن باعالاۋدى ەنگىزۋ ۇسىنىلۋدا.

سونداي-اق، مينيسترلىك سىيلىقاقىلار مەن گرانتتار بەرۋدىڭ  جاڭا مەحانيزمدەرىن ۇسىنادى. مينيستر د.كالەتايەۆتىڭ ايتۋىنشا، سىيلىقاقى الماعان ۇكىمەتتىك ەمەس ۇيىمدار، جىلدا سىيلىقاقى الۋ ءۇشىن ءوتىنىم بەرە الادى. قولدانىستاعى زاڭناما بويىنشا كونكۋرسقا قاتىسۋعا ءوتىنىم بەرىپ، سىيلىقاقى الا الماعاندار  ۇەۇ ءۇش جىل بويى كونكۋرسقا قاتىسا المايدى.

سونىمەن قاتار، زاڭناماعا سايكەس، جەرگىلىكتى اتقارۋشى ورگاندار ۇكىمەتتىك ەمەس ۇيىمدارعا گرانتتىق قارجىلاندىرۋ سالاسىنداعى وپەراتور - «ازاماتتىق باستامالاردى قولداۋ ورتالىعى» كەاق ارقىلى

 گرانتتار بەرۋ مۇمكىندىگىنە يە بولادى.

زاڭ جوباسىنىڭ شەڭبەرىندە «ازاماتتىق قوعامنىڭ دامۋىنا جاردەمدەسۋ، ونىڭ ىشىندە ۇكىمەتتىك ەمەس ۇيىمداردىڭ تۇراقتىلىعىن ارتتىرۋ جانە الەۋەتىن كۇشەيتۋ» بويىنشا جاڭا باعىت ەنگىزىلەدى.

زاڭ جوباسىنا ەنگىزىلەتىن تۇزەتۋلەردىڭ تاعى ءبىر بلوگى ۋاكىلەتتى ورگانعا اقپارات بەرەتىن ۇەۇ ءتىزىمىن وڭتايلاندىرۋعا باعىتتالادى. قازىرگى ۋاقىتتا «كوممەرسيالىق ەمەس ۇيىمدار تۋرالى» زاڭعا سايكەس مەكەمە، قوعامدىق بىرلەستىك، اكسيونەرلىك قوعام، قور، زاڭدى تۇلعالار بىرلەستىگى تۇرىندە (ساياسي پارتيالار، كاسىپوداقتار مەن ءدىني بىرلەستىكتەردى قوسپاعاندا) بارلىق كوممەرسيالىق ەمەس ۇيىمدار جىل سايىن ق ر ءدىن ىستەرى جانە ازاماتتىق قوعام مينيسترلىگىنە ەسەپ بەرۋگە مىندەتتى.

بەرىلگەن نورمانىڭ قۇقىق قولدانۋ تاجىريبەسى ونى جەتىلدىرۋ قاجەتتىگىن كورسەتتى. ويتكەنى، بۇل تىزىمگە كىرەتىن بارلىق كوممەرسيالىق ەمەس ۇيىمدار ۇكىمەتتىك ەمەس ۇيىمدار بولىپ تابىلمايدى. سوندىقتان، ۇسىنىلىپ وتىرعان وزگەرتۋلەرگە سايكەس ۇەۇ دەرەك قورىنا مالىمەتتەر بەرۋدى قاجەت ەتەتىن ۇيىمدار ءتىزىمى ناقتىلانادى.

جالپى، ءمينيستردىڭ ايتۋىنشا جوعارىدا اتالعان وزگەرىستەر حالىقارالىق تاجىرەبيەنى، ونىڭ ىشىندە ۇلىبريتانيا، كانادا، اقش، پولشا، فرانسيا جانە حورۆاتيا سياقتى مەملەكەتتەردىڭ تاجىرەبيەسىن ەسكەرە وتىرىپ ازىرلەنگەن.

«ۇسىنىلىپ وتىرعان شارالار الەۋمەتتىك ماسەلەلەردى شەشۋگە تۇرعىنداردىڭ قاتىسۋ دەڭگەيىن جانە ازاماتتاردىڭ مەملەكەتتىك ساياساتقا دەگەن سەنىمىن ارتتىرۋعا مۇمكىندىك بەرەدى»، - دەدى مينيستر د. كالەتايەۆ.

انىقتاما: زاڭ جوباسى اياسىندا اكىمشىلىك قۇقىق بۇزۋشىلىق تۋرالى كودەكسكە جانە 6 سالالىق زاڭدارعا وزگەرىستەر ەنگىزىلەدى. زاڭ جوباسىنىڭ نەگىزگى ەرەجەلەرى مەملەكەتتىك الەۋمەتتىك تاپسىرىستى جۇزەگە اسىرۋدى جەتىلدىرۋگە باعىتتالعان.