وزبەكستان بيلىگى مەملەكەتتىك باج سالىعىن ءوندىرىپ الۋعا جانە شەتەلدىك ۆاليۋتاداعى سالىقتان تىس تولەمدەردى وندىرۋگە قاتىستى زاڭ جوباسىنا وزگەرتۋلەر ەنگىزدى. بۇل جايىندا Qamshy.kz اقپارات اگەنتتىگى Nuz.uz سايتىنا سىلتەمە جاساپ حابارلايدى.

اتاپ ايتقاندا، شەتەل وزبەكستانعا كەلگەن ءاربىر شەتەل ازاماتتارى مەن سول ەلدىڭ ازاماتتىعى جوق تۇلعالار 30 كۇنگە دەيىن ۋاقىتشا تىركەۋگە تۇرعانشا ءار كۇنىنە سالىق تولەيدى. سالىق مولشەرى وزبەكستانداعى ايلىق ەسەپتىك كورسەتكىشتىڭ 2 پايىزىن، ياعني 3445 سومدى قۇرايدى. بۇل ۋاقىتقا دەيىن ۋاقىتشا تىركەۋگە تۇرۋ قۇنى 20 دوللار ەدى، وزبەكستانعا كەلگەن شەتەل ازاماتتارى نەمەسە سول ەلدىڭ ازاماتتىعى جوق تۇلعالار قانشا ۋاقىت تۇرسا دا 20 دوللار تولەۋگە مىندەتتەلەتىن.

ايتا كەتەيىك، زاڭناماداعى بۇل وزگەرىستەر تمد ەلدەرىنىڭ ازاماتتارىنا دا قاتىستى. ەندىگى كەزەكتە تمد ەلدەرىنىڭ ازاماتتارى 30 كۇنگە دەيىن ۋاقىتشا تىركەۋگە تۇرعانشا كۇنىنە 3445 سوم تولەۋگە مىندەتتەلەدى. وسى ۋاقىتقا دەيىن ولار 3 كۇننەن 6 ايعا دەيىن ۋاقىتشا تىركەۋگە تۇرۋ ءۇشىن 5 دوللار تولەيتىن.

كوميتەت وكىلدەرىنىڭ ايتۋىنشا، وزبەكستانعا كەلەتىن تمد ەلدەرى ازاماتتارىنىڭ كوپشىلىگى ءبىر اپتا نەمەسە ون كۇنگە تۋىستارى مەن جاقىندارىن كورۋگە كەلەدى ەكەن.