ارقالىقتا وقۋشىلار مازاردىڭ كۇل-تالقانىن شىعاردى. بۇل تۋرالى قوستاناي وبلىسى ءىىد حابارلادى.
مازاردىڭ تالقاندالعانى جايلى ارقالىق تۇرعىندارى ايتقان. مارقۇم تۋىستارىنىڭ بەيىت باسىنا بارعان ولار تاستاردىڭ قۇلاپ، توپىراقتىڭ شاشىلىپ جاتقانىن بايقايدى.
ۆەدومستۆودا مالىمدەلگەندەي، اتالمىش فاكتىگە بايلانىستى ق ر قك-نىڭ 314 بابىنا سايكەس «ولگەندەردىڭ دەنەلەرىن جانە جەرلەۋ ورىندارىن تەرىس پايدالانۋ» ايىبى بويىنشا سوتقا دەيىنگى تەرگەۋ جۇمىستارى جۇرگىزىلەدى.
«جەدەل-ىزدەستىرۋ شارالارىن جۇرگىزۋ بارىسىندا سول كۇنى-اق ارقالىقتاعى ورتا مەكتەپتىڭ 11 جاستاعى ەكى وقۋشىسى مويىنداۋ تۇسىنىكتەمەسىن بەردى»، - دەپ حابارلادى ىشكى ىستەر دەپارتامەنتىندە.
قازىرگى ۋاقىتتا تەرگەۋ جۇمىستارى جالعاسىپ جاتىر، سونىڭ ناتيجەسىندە شىعىن مولشەرى انىقتالادى.
