مەملەكەت باسشىسى نۇرسۇلتان نازاربايەۆ وڭتۇستىك قازاقستان وبلىسىندا زورلاندى دەگەن بالانىڭ وقيعاسىنا قاتىستى پىكىر ءبىلدىردى.
"قاۋىپسىزدىك كەڭەسىندە وڭتۇستىك قازاقستان وبىلىسىندا جەتى جاسار بالانى جوعارعى سىنىپ وقۋشىلارىنىڭ زورلاعانى جايلى ايتىلدى. بۇل وقيعانى كوپشىلىكتىڭ نازارىنا ىلىكتى. الايدا ەشكىم ەشتەڭەنى دالەلدەي المادى. نەگە ەكەنىن بىلەسىزدەر مە؟ سەبەبى، پوليسيا – تۋىستارى، ورگانداعىلار دا – تۋىسارى. ودان دا جوعارى لاۋازىمداعىلار – تاعى تۋىستارى. ءىستى جابۋ ءۇشىن ءبارى دايىن تۇر. نەگە زاڭ بۇزىلىپ جاتىر؟"، – دەدى ەلباسى.
ەسكە سالا كەتەيىك، وقو-داعى سارىاعاش اۋىلىندا جوعارى سىنىپ وقۋشىلارى زورلادى دەگەن جەتى جاستاعى بالانىڭ وقيعاسى قوعامدى دۇرلىكتىردى. بالانىڭ اجەسى قۇزىرلى ورگاندارعا نەمەرەسىنىڭ بەس اي بويى زورلانىپ كەلگەنىن ايتقان. الايدا بۇل ءىس دالەلدەنبەدى. سەبەبى اۋدادىق ءبىلىم ءبولىمى "ساراپتاما ناتيجەلەرى بالانىڭ زورلانعانىن جوققا شىعاردى" دەپ حابارلادى. بالالاردىڭ قۇقىعىن قورعاۋ جونىندەگى ۋاكىل زاعيپا بالييەۆا تەرگەۋ جۇرگىزىلىپ جاتقانىن مالىمدەدى.
