ق ر ەلباسى نۇرسۇلتان نازاربايەۆ بۇگىنگى «نۇر وتان» پارتياسىنىڭ ساياسي كەڭەسىنىڭ كەڭەيتىلگەن جينالىسىندا ستۋدەنتتەرگە جاتاقحانا سالۋ ماسەلەسىنە توقتالىپ ءوتتى.
«بۇل يدەيا ماعان قايدان كەلدى؟ مەن قالانى ارالاپ ءجۇرىپ ستۋدەنتتەردىڭ بازارلارداعى لاشىقتاردا كۇنەلتىپ جۇرگەندەرىن كوردىم، ولار تەك تۇنەپ شىقسا بولدى. ساباق وقۋعا دا، دۇرىستاپ جۋىنۋعا دا ەشقانداي جاعداي جاسالماعان. ەندەشە بىزدە ءبىلىم سالاسى قالاي داميدى؟ مۇنداي جاعداي تەك استانادا عانا ەمەس، بارلىق جەردە بار. قالادا اتا-اناسىمەن بىرگە تۇرىپ ۋنيۆەرسيتەتكە باراتىن ستۋدەنتتەر بار، سونىمەن قاتار باسقا قالادان كەلگەن ستۋدەنتتەر دە جەتەرلىك»، - دەپ ايتىپ ءوتتى ەلباسى.
«مەنىڭ ويىمشا، جاستارعا ساپالى ءبىلىم بەرۋ ءۇشىن الدىمەن ولارعا جاقسى جاعداي جاساۋ قاجەت. جازدا ستۋدەنتتەر وتريادىن ۇيىمداستىرساق قالاي بولادى؟ كەيىن وزدەرى تۇراتىن جەردىڭ جۇمىسىنا اتسالىسقان ولارعا دا ۇنايدى دەپ ويلايمىن. ساپاسىن دا، قۇرىلىستىڭ قارنىنىن دا وزدەرى باقىلاپ جۇرەتىن بولادى»، - دەيدى نۇرسۇلتان نازاربايەۆ.
ايتا كەتەيىك، بۇگىن استانا قالاسىندا «نۇر وتان» پارتياسىنىڭ ساياسي كەڭەسىنىڭ كەڭەيتىلگەن جينالىسى وتۋدە.
