كەمەروۆو وبلىسىندا جوعالىپ كەتىپ، بىرنەشە كۇننەن كەيىن ءولى تابىلعان 7 جاسار قىزعا قاتىستى تەرگەۋ جۇمىستارى باستالدى. بۇل تۋرالى رەسەيدىڭ كەمەروۆو وبلىسى بويىنشا تەرگەۋ كوميتەتى حابارلادى.
2018 جىلدىڭ 3 ماۋسىمىندا تەرگەۋ كوميتەتى مەن پوليسيا قىزمەتكەرلەرىنىڭ بىرىگىپ ىزدەستىرۋ شارالارى ناتيجەسىندە قىزدىڭ دەنەسى دالادا تۇرعان ەسكى توڭازىتقىشتىڭ ىشىنەن ءولى تابىلعان.
وقيعا بەلوۆو قالاسىندا بولعان. قىزدىڭ دەنەسىندە زورلىق-زومبىلىق بەلگىلەرى جوق.
پوليسيا "ويناپ ءجۇرىپ توڭازىتقىشتىڭ ىشىنە كىرگەن قىز ەسىگىن اشا الماعان" دەپ بولجايدى. قازىرگى ۋاقىتتا "بالانى ءولتىرۋ" بابى بويىنشا قىلمىستىق ءىس قوزعالدى.
2018 جىلدىڭ 29 مامىرىندا ويناۋعا شىعىپ كەتكەن قىز جوعالىپ كەتكەن. 18 ساعات وتكەن سوڭ قىزىنىڭ ەش جەردە جوق ەكەنىن بايقاعان اكەسى قۇقىق قورعاۋ ورگاندارىنىڭ كومەگىنە جۇگىنەدى. ىزدەستىرۋ شارالارىنا پوليسيا قىزمەتكەرلەرىنەن بولەك ەرىكتىلەر دە كىرىستى.
