الماتى ورتالىق مەشىتىنىڭ باس يمامىم ەركىنبەك شوحايەۆ رامازان ايىندا ورازا ۇستاعاندارعا مەنينگوكوك ۆيرۋسىنىڭ ورشۋىنە بايلانىستى ۇندەۋ جولدادى، دەپ حابارلايدى Qamshy.kz اقپارات اگەنتتىگى.
يمامنىڭ ايتۋىنشا، قالادا مەنينگوكوك ۆيرۋسىمەن تىركەلگەن ناۋقاستاردىڭ كوبەيۋىنە بايلانىستى الدىن الۋ شارالارى جۇرگىزىلىپ جاتىر.
«ۆيرۋستىڭ ورشۋىنە بايلانىستى اۋىز بەكىتكەن ادام ءوز بويىنان اۋرۋدىڭ بەلگىلەرىن بايقاسا، ورازاسىن توقتاتىپ، دارىگەرگە تەزىرەك قارالۋى ءتيىس. سىرقات اسقىنا باستاسا، ناۋقاس ادامعا ورازاسىن اشۋعا رۇقسات بەرىلگەن، - دەدى باس يمام.
يمامنىڭ سوزىنشە، ورازا دەنساۋلىعىنا زيانىن تيگىزبەيتىنىنە سەنىمدى بولۋ ءۇشىن اۋىز بەكىتكەن الدىڭعى رامازان ايلارىنداعى تاجىريبەسىن ەسەپكە الۋى نەمەسە بىلىكتى مامانداردىڭ كەڭەسىنە جۇگىنۋى ءتيىس. ال قارىز كۇندەرىن باسقا ايلاردا وتەۋىنە بولادى.
«ورازا تۇتۋشىنىڭ ناۋقاستانىپ قالعانىنا قاراماستان اۋىز بەكىتۋى مۇلدە دۇرىس ەمەس. سەبەبى دەنساۋلىق – اللانىڭ اماناتى. ءبىز تۇرعىنداردى اللا اماناتىن ساقتاپ، دەنساۋلىقتى كۇتۋگە شاقىرامىز»، - دەدى يمام.
