پاريج پوليسەيلەرى قالاداعى ەكى بوسقىندار لاگەرىنىڭ كوزىن جويدى، دەپ حابارلايدى Qamshy.kz اقپارات اگەنتتىگى lenta.ru-عا سىلتەمە بەرىپ.
سەن-مارتەن كانالىنىڭ جاعاسىنان سەگىز ءجۇز ميگرانت ەۆاكۋاسيالانعان. تاعى ءتورت ءجۇز بوسقىن پور-دە-ليا-شاپەل اۋدانىن تاستاپ كەتۋگە ءماجبۇر بولعان.
پوليسيانىڭ مالىمدەۋىنشە ميگرانتتاردى وزگە ايماققا فرانسيا شەكاراسىن كەسىپ وتۋگە رۇقساتتارىن تەكسەرۋ ءۇشىن ورنالاستىرىپتى. اپتا بۇرىن پوليسيا پورت-دە-ليا-ۆيللەت ايماعىن سۋداننان، سوماليدەن، ەريترەيدەن كەلگەن 1700 بوسقىننان تازالاعان.
The Local گازەتى جازعانداي، مامىر ايىنىڭ 24-دە ەلدىڭ ىشكى ىستەر مينيسترلىگى ءپاريجدى بوسقىنداردان بوساتۋ تۋرالى بۇيرىق شىعارعان. بيلىكتەگىلەر «بوسقىندار لاگەرى پاريج ءۇشىن ۇلكەن قاۋىپكە اينالىپ بارادى»، - دەپ پىكىر بىلدىرگەن.
2015 جىلى ەۋروپادا كوشى-قون داعدارىسى باستالدى. ەو ەلدەرىنە وسى جىلدار ىشىندە 1،5 ميليوننان استام ميگرانت كەلگەن. سودان بەرى پاريج اۋداندارىندا قالانى 35 رەت بوسقىنداردان تازالاۋ جۇمىستارى جۇرگىزىلگەن. ميگرانتتار كالە پورتتىق ايماعىنداعى «دجۋنگلي» لاگەرى كوپ ورنالاسقان. 2017 جىلى پوليسيا اتالعان ايماقتى ەسكەرتۋسىز ءسۇرىپ تاستاعان بولاتىن.
