جەزقازعان قالاسى اكىمىنىڭ ورىنباسارى نۇرجان ورىنبايەۆ 550 تەڭگە پارامەن ۇستالدى،دەپ حابارلايدى Qamshy.kz اقپارات اگەنتتىگى.
بۇل تۋرالى مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگى ۇيىمداستىرعان بريفينگتە اگەنتتىك وكىلى نۇرجان جاحين مالىمدەدى.
«قاراعاندى وبلىسى بويىنشا سىبايلاس جەمقورلىققا قارسى ءىس-قيمىل دەپارتامەنتى جەدەل ىزدەستىرۋ ءىس-شارالارىن جۇرگىزۋ بارىسىندا جەزقازعان قالاسى اكىمىنىڭ ورىنباسارى ورىنبايەۆ پارامەن اشكەرەلەندى. قالا اكىمىنىڭ ورىنباسارى «جەزقازعان قالاسىنداعى سۋمەن جابدىقتاۋ جەلىلەرىن قايتا قۇرۋ» نىسانى بويىنشا ورىندالعان جۇمىستار اكتىسىنە كەدەرگىسىز قول قويۋ ءۇشىن جانە «وڭىرلەردى دامىتۋ 2020» مەملەكەتتىك باعدارلاماسىن ىسكە اسىرۋعا بولىنگەن بيۋدجەت قاراجاتىنىڭ ۋاقىتىلى تولەنۋى ءۇشىن ج ش س وكىلىنەن 550 مىڭ تەڭگە پارا الدى دەپ كۇدىكتەلۋدە»، - دەدi جاحين.
رەسمي وكىلدىڭ سوزىنشە ورىنبايەۆ بار كىناسىن تولىقتاي مويىنداۋىنا بايلانىستى ۇستالماعان. قازىرگى تاڭدا پارا بەرۋ فاكتىسى بويىنشا ءىس قوزعالىپ، سوتقا دەيىنگى تەرگەۋ جۇمىستارى جۇرگىزىلىپ جاتىر.
