وڭتۇستىك قازاقستان وبلىسىنىڭ اكىمشىلىك ورتالىعى شىمكەنت قالاسىنان تۇركىستان قالاسىنا كوشتى.   

بۇگىن  وڭتۇستىك قازاقستان وبلىستىق ءماسليحاتىنىڭ سەسسياسى شاقىرىلدى. "وڭتۇستىك قازاقستان وبلىسىنىڭ اكىمشىلىك ورتالىعىن تۇركىستان قالاسىنا كوشىرۋ" ماسەلەسى سوندا تالقىلاندى.

ماۋسىمنىڭ 2-سىندە قالا اكىمدىگى جەرگىلىكتى تۇرعىنداردىڭ باسىن قوسىپ، تۇركىستان قالاسىنىڭ اۋماعىنان اۋىلدىق وكرۋگتەردىڭ جالپى اۋماعى 721 مىڭ گەكتار جەردى شىعارۋ ارقىلى تۇركىستان قالاسى شەكاراسىن وزگەرتۋ جانە وڭتۇستىك قازاقستان وبلىسىنىڭ اكىمشىلىك ورتالىعىن شىمكەنت قالاسىنان تۇركىستان قالاسىنا كوشىرۋ ماسەلەسى العاش رەت رەسمي تالقىلاپ، قوعامدىق تىڭداۋ وتكىزگەن ەدى.

رەسمي ستاتيستيكالىق مالىمەتتەرگە قاراعاندا، تۇركىستاندا حالىق سانى 262 مىڭنان اسادى. تۇرعىنداردىڭ الپىس پايىزدان استامى قازاقتار، قىرىق پايىزعا جۋىعى وزبەكتەر. قالا اۋماعىنا 12 اۋىلدىق وكرۋگتەگى 40 اۋىل كىرەدى.

سونىمەن قاتار بۇگىن شىمكەنت قالالىق ءماسليحاتىنىڭ كەزەكتەن تىس جيىرما توعىزىنشى سەسسياسىندا دەپۋتاتتارعا شىمكەنت قالاسى حالقىنىڭ ءبىر ميلليونعا جەتۋىنە وراي، قالاعا مەگاپوليس ستاتۋسىن بەرۋ ۇسىنىلدى.