ق ر مەملەكەتتىك حاتشىسى گ.ن.ءابدىقالىقوۆا نازاربايەۆ ۋنيۆەرسيتەتى ۇيىمداستىرعان «سەرپىندى تەحنولوگيالار داۋىرىندەگى جوعارى ءبىلىم يننوۆاسياسى» اتتى جوعارى ءبىلىم بەرۋ كوشباسشىلارىنىڭ 7ء-شى ەۋرازيالىق فورۋمىنىڭ اشىلۋ راسىمىنە قاتىستى.

اتالعان فورۋم 2011 جىلدان بەرى وتكىزىلىپ كەلەدى، ونىڭ ماقساتى – تەحنولوگيالىق جانە الەۋمەتتىك وزگەرىستەر تۇرعىسىنان ءبىلىم سەكتورىن تالقىلاۋ.

فورۋم جۇمىسىنا ۇلتتىق جانە الەمدىك ساراپشىلار، عىلىمي قىزمەتكەرلەر، مەمورگانداردىڭ، جۇمىس بەرۋشىلەردىڭ، ءبىلىم سالاسىنداعى قوعامدىق بىرلەستىكتەردىڭ وكىلدەرى، ت.ب. – الەمنىڭ 15 ەلىنەن (اقش، رەسەي، جۇڭگو، ۇلىبريتانيا، كورەيا رەسپۋبليكاسى، اۆستراليا جانە ت.ب.) 150-دەن استام ادام قاتىستى.

گۇلشارا ءابدىقالىقوۆا ءوز قۇتتىقتاۋ سوزىندە فورۋم قازاقستاننىڭ سيمۆولى – استانانىڭ 20 جىلدىق مەرەيتويى بەلەسىندە وتكىزىلىپ وتىرعانىنا توقتالدى.

مەملەكەتتىك حاتشى ءبىلىم بەرۋ جۇيەسىنىڭ جان-جاقتى دامۋىنا ەل پرەزيدەنتى ن.نازاربايەۆ باسا كوڭىل بولەتىنىن ايتا كەلىپ، ونىڭ: «مەن ءاردايىم سىزدەردىڭ ءبىلىم الۋلارىڭىز بەن دامۋلارىڭىز ءۇشىن قاجەتتى بارلىق جاعدايدى جاساۋعا تىرىسىپ كەلەمىن. الەمدىك دەڭگەيدەگى ۋنيۆەرسيتەت، زياتكەرلىك مەكتەپتەرىن اشتىم، «بولاشاق» باعدارلاماسىن بەكىتتىم» دەگەن ءسوزىن اتاپ ءوتتى.

نازاربايەۆ ۋنيۆەرسيتەتى ەلىمىزدىڭ ماڭىزدى ۇلتتىق جوباسى بولىپ تابىلادى. ول اشىلعاننان بەرى (2010 ج.) وقۋ ورنى قابىرعاسىنان 2 مىڭداي مامان تۇلەپ ۇشتى. ۋنيۆەرسيتەت سونىمەن قاتار بيوحيميالىق جانە يادرولىق ينجەنەريا، روبوتوتەحنيكا، مەحاترونيكا جانە ت.ب. سيرەك باعىتتاعى كادرلاردى دايارلايدى. جوعارى وقۋ ورنىندا الەمنىڭ تۇپكىر-تۇپكىرىنەن كەلگەن ۇزدىك وقىتۋشىلار جۇمىس ىستەيدى، ول ەڭ زاماناۋي ماتەريالدىق-تەحنيكالىق قۇرالدارمەن جانە زەرتحانالارمەن جابدىقتالعان. 

بۇگىندە نازاربايەۆ ۋنيۆەرسيتەتى جاھاندىق دەڭگەيدەگى ءعىلىمي-بىلىم بەرۋ ورتالىعىنا اينالدى جانە ازيانىڭ جۇڭگو، جاپونيا، كورەيا رەسپۋبليكاسى، سينگاپۋر جانە ت.ب. ءتارىزدى 14 جەتەكشى ۋنيۆەرسيتەتى قاتارىنا قوسىلدى.

– جوعارى وقۋ ورىندارى كەلەشەكتە ەڭبەك نارىعىندا باسەكەگە توتەپ بەرە الاتىن، ءبىلىمنىڭ ۇزدىك باعدارلامالارى بويىنشا وقىتىلعان جاڭا فورماتتاعى مامانداردى دايارلاۋعا ءتيىس، – دەدى مەمحاتشى.

فورۋم سوڭىندا ق ر مەملەكەتتىك حاتشىسى گ.ن.ءابدىقالىقوۆا قاتىسۋشىلاردىڭ ءبارىنىڭ سىندارلى سۇحبات قۇرىپ، تابىستى جۇمىس جۇرگىزۋلەرىنە تىلەكتەستىگىن ءبىلدىردى.