الماتى وبلىسىندا مەشىتتەن اقشاعا تولى سەيف ۇرلاندى. بۇل تۋرالى قازاقستاننىڭ ىشكى ىستەر مينيسترلىگى رەسمي وكىلى الماس سادۋبايەۆ حابارلادى.
سادۋبايەۆتىڭ ايتۋىنشا، كەشە تۇندە الماتى وبلىسى كەربۇلاق اۋدانى ىىب-نە ورتالىق مەشىت يمامى شاعىم تۇسىرگەن. بەلگىسىز بىرەۋلەر مەشىتتەن 400 مىڭ تەڭگە مەن قۇجاتتار سالىنعان سەيفتى ۇرلاپ كەتىپتى.
قازىرگى ۋاقىتتا ىزدەۋ شارالارى جۇرگىزىلىپ جاتىر.
سونىمەن بىرگە، الماتى وبلىسىندا قىلمىستىق كودەكستىڭ 194-بابىنىڭ 4ء-بولىمى "بوپاسالاۋ" بويىنشا مەملەكەتارالىق ىزدەۋدە بولعان ەكىنشى كۇدىكتى ۇستالدى. ودان سەگىز وعى بار ماكاروۆ تاپانشاسى الىنعان.
پىكىر قالدىرۋ