1999 جىلى ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىن ينفورماتيكا جانە ەت ماماندىعى بويىنشا ءتامامداعان. 2015 جىلى — بوستون ۋنيۆەرسيتەتىنىڭ (اقش) ماگيستراتۋراسىن كيبەرقاۋىپسىزدىككە مامانداندىرىلعان اقپاراتتىق جۇيەلەر ماماندىعى بويىنشا بىتىرگەن، «بولاشاق» باعدارلاماسىنىڭ ستيپەندياتى. ينفورماتيكا، باقىلاۋ جانە باسقارۋ باعىتى بويىنشا PhD دوكتورى.

ەڭبەك جولىن 1999 جىلى باستاعان.

1999 جىلدان 2003 جىلعا دەيىن قازاقستانداعى بۇۇ دامۋ باعدارلاماسىندا جۇمىس ىستەگەن. 2003 جىلدان باستاپ «ۇلتتىق اقپاراتتىق تەحنولوگيالار» اق-دا ەڭبەك ەتكەن. 2006–2009 جىلدار ارالىعىندا پرەزيدەنت اكىمشىلىگىندە باس ساراپشى، كەڭەسشى، اقپاراتتاندىرۋ سەكتورىنىڭ مەڭگەرۋشىسى لاۋازىمدارى بويىنشا جۇمىس ىستەگەن.

«ەلەكتروندى ۇكىمەتتى» قالىپتاستىرۋ جانە دامىتۋ باعدارلامالارىن، «سيفرلىق قازاقستان» مەملەكەتتىك باعدارلاماسىن ازىرلەۋگە قاتىسقان.

2009 جىلعى تامىز ايىنان باستاپ قازىرگى تاڭعا دەيىن ق ر پرەزيدەنتى اكىمشىلىگىنىڭ اقپاراتتاندىرۋ جانە اقپاراتتىق رەسۋرستاردى قورعاۋ ءبولىمى مەڭگەرۋشىسىنىڭ ورىنباسارى قىزمەتىن اتقارعان.

«ەرەن ەڭبەگى ءۇشىن» مەملەكەتتىك ناگراداسىمەن، مەرەيتويلىق مەدالدارمەن ماراپاتتالعان.